பங்குதமிழ்

பங்குச்சந்தையில் வெற்றி பெறுவது எப்படி ? பங்குச்சந்தையில் மட்டுமல்ல , பொதுவாக நீங்கள் ஈடுபடும் எந்தத் துறையிலும் வெற்றி பெறுவதற்கான நான்கு நிலைகள் ... 1. அறியாதவை எவை என்று அறியாத நிலை கணவர் கார் ஓட்டும் போது அருகில் அமர்ந்து எப்படிக் கார் ஓட்ட வேண்டும் என்று கணவருக்கு அறிவுரைகளை அள்ளி வீசும் மனைவியைப் பார்த்திருப்பீர்கள் . இத்தனைக்கும் மனைவிக்குக் கார் ஓட்டத் தெரியாது . இத்தகைய போக்கை பங்குச்சந்தை உட்பட எல்லாத் துறைகளிலும் காணலாம் . இது தான் அறியாதவை எவை என்று அறியாத நிலை . உலகின் 95 சதவீத மக்கள் இந்த முதல் நிலையிலேயே வாழ்கின்றனர் . ஒரு சமயம் என் நண்பர் ஒருவர் ஹுரோ ஹோண்டா நிறுவனம் 8000 சதவீதம் பங்காதாயம் வழங்கவிருப்பதாகவும் அந்த நிறுவனப் பங்கை வாங்குமாறும் அறிவுரை வழங்கினார் . வங்கி நிரந்தர வைப்பு வட்டி அப்போது 10 சதவீதம் என்பதாக இருந்தது . இந்த 10 சதவீதத்தையும் ஹீரோ ஹோண்டாவின் 8000 சதவீதத்தையும் ஒப்பிட்டவராக , அந்த நிறுவனப் பங்கை வாங்க மாட்டேன் என்று சொன்ன என்னை ஙே என்று பார்த்தார். இவர் பரவாயில்லை . நான் என் நண்பர் ஒருவருக்கு ஒரு நிறுவனப் பங்கை நான் ஆயிரங்களில் வைத்திருப்பதாகவும்...

பங்குச்சந்தை பதில்கள் - 2 கேள்வி : பங்குச்சந்தையில் வெற்றி பெற கணக்கில் புலமை அவசியமா ? பதில் : சாதாரண கூட்டல் கழித்தல் தெரிந்திருந்தால் போதும் . டெரிவேட்டிவ் முதலான சிக்கலான கணக்குகள் தெரியாமலிருந்தால் மிக நல்லது . கூட்டு வட்டியை அதிசயிக்கத் தெரிந்திருத்தல் அவசியம் . கேள்வி : விமானத்துறை பங்குகளில் முதலீடு செய்யலாமா ? பதில் : நீங்கள் இலட்சாதிபதியாக வேண்டுமென்றால் கோடிக்கணக்கான ரூபாய்களை முதலீடு செய்து விமான சேவை நிறுவனம் ஒன்றைத் தொடங்குங்கள் . வெகு விரைவில் இலட்சாதிபதியாகி விடுவீர்கள் . சொன்னவர் ரிச்சர்ட் பிரான்ஸன் . வெர்ஜின் ஏர்லைன்ஸ் என்ற விமான சேவை நிறுவனத்தை ஒரு காலத்தில் நடத்தியவர் . அனுபவஸ்தர் . அவர் சொன்னால் நிச்சயம் சரியாகத் தான் இருக்கும் . கேள்வி : பங்குச்சந்தையில் இந்த ஒரு விஷயம் புரிந்தால் பத்து விஷயங்கள் புரிந்ததற்குச் சமமான ஒரு விஷயம் எது ? பதில் : Price - Value differentiation என்று சொல்லப்படும் விலை மற்றும் மதிப்பு இவைகளுக்கிடையேயான வேறுபாடு . கேள்வி : பங்குச்சந்தைக் குறியீடுகளை எப்படி வெற்றி கொள்வது ? பதில் : உங்கள் உணர்ச்சிகளை வெற்றி கொள்வதன் மூலமாக . க...

பங்குச்சந்தை பதில்கள் - 1 கேள்வி : பங்குச்சந்தை முதலீடு அபாயம் தானே ?  பதில் : பங்குச்சந்தையில் முதலீடு செய்யாமல் இருப்பது அதை விட அபாயம் . பணவீக்கத்தை வெல்ல வேண்டுமென்றால் பங்குச்சந்தையில் முதலீடு செய்தே ஆக வேண்டும் . கேள்வி : அதிக வருமானம் தரக்கூடிய காப்பீட்டுத் திட்டம் ஒன்றைப் பரிந்துரையுங்கள் ? பதில் : கேள்வியே தவறு . கேள்வி : வாய்ப்பு விலையைச் (opportunity cost) சுருக்கமாக விளக்க முடியுமா ? பதில் : நீங்கள் நிறுவனப் பங்குகளில் நேரடியாக முதலீடு செய்கிறீர்கள் . உங்களுக்கான CAGR 15 சதவீதம் . அதே சமயம் மும்பை பங்குச்சந்தை குறியீடான சென்செக்ஸ் 18 சதவீத CAGR கொடுத்திருக்கிறது . எனில் , உங்களுக்கான வாய்ப்பு விலை 3 சதவீதம் . கேள்வி : பங்குச்சந்தையில் நீண்ட காலம் என்பது எவ்வளவு காலம் ? பதில் : ஐந்து ஆண்டு பத்து ஆண்டு என்று ஆளாளுக்கு ஒரு கணக்கைச் சொல்வார்கள் . நீண்ட காலம் என்பது நம் காலத்தையும் கடந்தது . கேள்வி : Multibaggers பங்குகள் என்றால் என்ன ? அவைகளை எவ்விதம் இனங்காண்பது ? பதில் : மதிப்பு முதலீடாக வாங்கிய தரமான நிறுவனப்பங்குகள் நீண்ட கால அளவில் பன்மடங்காளராக மலர்கின்றன . இவ்வித...

உள்முக மதிப்பீடு INNER SCORECARD உள்ளார்ந்த மதிப்பு என்று கேள்விப்பட்டிருக்கிறோம் . அது என்ன உள்முக மதிப்பீடு ? வாரன் பஃபெட் அறிமுகப்படுத்திய இந்தக் கருத்தாக்கத்தை அவருடைய உதாரணம் ஒன்றின் மூலமாகப் புரிந்து கொள்ள முயலலாம் . இரண்டு சூழ்நிலைகளைக் கற்பனை செய்து பாருங்கள் . நீங்கள் உலகின் மிகச் சிறந்த காதலர் என்று மற்றவர்களால் நினைக்கப்படுகிறீர்கள் ஆனால் உண்மையில் நீங்கள் உலகின் மோசமான காதலர்களில் ஒருவர் . நீங்கள் உலகின் மோசமான காதலர் என்று மற்றவர்களால் நினைக்கப்படுகிறீர்கள் ஆனால் உண்மையில் நீங்கள் உலகின் மிகச் சிறந்த காதலர்களில் ஒருவர் . முதல் வகையில் இருந்தால் நீங்கள் வெளிமுக மதிப்பீடு (Outer Scorecard) என்ற நிலையில் இருப்பதாக அர்த்தம் . இரண்டாவது வகையில் இருந்தால் , கையைக் கொடுங்கள் , நீங்கள் உள்முக மதிப்பீடு என்ற நிலையில் இருக்கிறீர்கள். வாழ்த்துக்கள் . மேற்சொன்ன சூழ்நிலையைப் பங்குச் சந்தைக்குப் பொருத்திப் பார்க்கலாம் . நீங்கள் உலகின் மிகச் சிறந்த முதலீட்டாளர் என்று மற்றவர்களால் நினைக்கப்படுகிறீர்கள் ஆனால் உண்மையில் நீங்கள் உலகின் மோசமான முதலீட்டாளர்களில் ஒருவர் . நீங்கள் உல...

மதிப்பு முதலீடு Value Investing மதிப்பு முதலீடு என்பதைச் சுருக்கமாகச் சொல்ல வேண்டுமென்றால் ஒரு ரூபாய் மதிப்பு உள்ள பொருளை ஐம்பது காசுக்கு வாங்குவது என்பதாகச் சொல்லலாம் . நாம் அனைவரும் பங்குச்சந்தையில் (மதிப்பு) முதலீட்டை மேற்கொள்கிறோமோ இல்லையோ அன்றாடம் மதிப்பு முதலீட்டு அடிப்படையில் நிறையப் பொருட்களை வாங்கிக்கொண்டு தான் இருக்கிறோம் . ஆடித் தள்ளுபடி என்றால் ஜவுளிக்கடைகளில் கூட்டம் அலைமோதுகிறது . ஒன்றுக்கொன்று இலவசத்தை விரும்பாதவர்கள் யாரேனும் இருக்கிறார்களா என்ன? பங்குச்சந்தையில்  அவ்வப்போது மதிப்பு முதலீட்டு வாய்ப்புகள் முகிழ்த்தெழும் போது ஏற்கெனவே முதலீட்டை மேற்கொண்டிருப்பவர்கள் பங்குச்சந்தையை விட்டு ஓடுவதும் புதிதாக முதலீடு செய்ய வருபவர்கள் வாசலிலேயே தயங்கி நிற்பதும் ஒரு புரியாத புதிர் . பங்குச்சந்தை பற்றிய சரியான ஒரு புரிதல் இருந்தால் அடிக்கடி வரும் ஆடித் தள்ளுபடியை நீங்கள் வரவேற்க ஆரம்பித்து விடுவீர்கள் . ஆடித் தள்ளுபடிக்கும் மீமிகை கரடிச்சந்தை தள்ளுபடிக்கும் ஒரு சிறிய வித்தியாசம் உள்ளது. ஜவுளிச்சந்தையில் ஆடித் தள்ளுபடியில் 2000 ரூபாய் மதிப்புள்ள சட்டையை 1000 ரூபாய்க்கு வ...

புதையல் எங்கே ? ராஜா ராமன் குடும்பத்தினரின் வாழ்க்கை கைக்கும் வாய்க்குமாக ஓடிக் கொண்டிருந்தது . ஆனால் எப்போதுமே இப்படி இருந்ததில்லை . ஒரு காலத்தில் ஊரிலேயே மிகவும் செல்வாக்கான குடும்பம் அவர்களுடையதாக இருந்தது . அவர்கள் வீட்டை பத்து நிலை வீடு என்பதாகக் குறிப்பிடுவார்கள் . பத்து நிலை வீடு என்றால் பத்து நிலைகள் வைத்துக் கட்டப்பட்ட வீடு . பத்து நிலைகள் என்றால் பத்து அறைகள் . அது அவர்கள் தாத்தா கட்டிய வீடு . அந்த நிலைகளுக்கான தேக்கு மரம் பர்மாவிலிருந்து வரப்பெற்றது . தாத்தா பர்மாவில் ஒரு வியாபார சாம்ராஜ்யத்தைக் கட்டியிருந்தார் . எப்போது பார்த்தாலும் வீட்டில் பத்து சொந்தக்காரர்கள் உண்டு உறங்கிய வண்ணம் இருப்பார்கள் . ஆச்சியையும் சும்மா சொல்லக்கூடாது . யாசகம் என்று ஆச்சியிடம் யாராவது கையை நீட்டினால் அவர்கள் வெறும் கையுடன் திரும்பியதாக சரித்திரம் கிடையாது . நம்மிடம் யாசகம் கேட்டு யாராவது வந்தால் முன் ஜென்மங்களில் நாம் அவர்களுக்குக் கடன் பட்டிருப்பதாகவும் அந்தக் கடனை நாம் சமன் செய்ய அவர்கள் நமக்கு வாய்ப்பு ஒன்றைத் தருவதாகவும் ஆச்சி கூறுவார் . சிறுவன் ராஜா ராமன் ஆச்சி ஆகப்பெரிய விஷயங்களைக் கூறுக...

உலகப் பணக்காரர் ஆவது எப்படி ? கேள்வியே தவறானது. உலகப் பணக்காரர்கள் எவரும், உலகப் பணக்காரர் ஆகவேண்டும் என்பதைத் தங்கள் குறிக்கோளாகக் கொள்ளவில்லை . அவர்கள் நிறுவனம் ஒன்றைத் தொடங்குகிறார்கள் . இன்னும் கொஞ்சம் தெளிவாகச் சொல்ல வேண்டுமென்றால் அவர்கள் மனித குலத்தின் பிரச்னை ஒன்றுக்கான தீர்வைக் கண்டடைய முனைகிறார்கள் . அதனுடைய துணை விளைபொருளாக (by product) அவர்கள் உலகப் பணக்காரர்கள் ஆகின்றனர் . எல்லா நிறுவனங்களின் கதை வசனமும் இதே பாணியில் தான் இருக்கும் .  Henry Ford அவரது நிறுவனத்தைத் தொடங்கும் போது அவருடைய வயது 40 .  Model T காரை வடிவமைக்கையில் அவருடைய வயது 45 (நீண்ட கால நோக்கு) குறுகிய கால அளவில் அதிக எண்ணிக்கையிலான கார்களைத் தயாரிப்பதற்கான Assembly Line உத்தி தற்செயலாக அவருக்குத் தோன்றுகிறது . ஒருநாள் , தொழிலாளர்கள்  கார்களைத் தயாரிப்பதை Ford பார்வையிடுகிறார் . தொழிலாளர்கள் அங்குமிங்கும் ஓடி உபகரணங்களை எடுத்துக் கார்களைத் தயாரித்துக் கொண்டிருக்கின்றனர் . அப்போது அவருக்கு மின்னலாக ஒரு யோசனை ... தொழிலாளர்களை ஓரிடத்தில் நிலை நிறுத்தி விட்டு வடிவமைக்கவுள்ள கார்களை நகர்த்தினால் என...

நேரப் பன்மயமாக்கம் TIME DIVERSIFICATION பங்குத் தொகுப்பின் பன்மயமாக்கம் (Portfolio Diversification) குறித்துக் கேள்விப்பட்டிருப்பீர்கள் . வெவ்வேறு துறைகளில் வெவ்வேறு பங்குகளில் முதலீடு செய்வதன் மூலமாக பங்குச்சந்தை முதலீட்டு அபாயத்தைப்  பெருமளவில் குறைத்துக் கொள்வது பங்குப் பன்மயமாக்கம் . அது என்ன நேரப் பன்மயமாக்கம் ? நேரப் பன்மயமாக்கம் குறித்துப் பார்ப்பதற்கு முன் பங்குப் பன்மயமாக்கம் குறித்துக் கொஞ்சம் பார்த்து விடலாம் . எல்லா முட்டைகளையும் ஒரே கூடையில் இடக்கூடாது என்பது தான் பங்குப் பன்மயமாக்கத்தின் அடிப்படை . சத்யம் கம்ப்யூட்டர் நிறுவனத்தில் ஒருவர் தன் பங்குத் தொகுப்பு முழுவதையும் வைத்திருப்பதாக ஒரு கற்பனை . சத்யம் கம்ப்யூட்டர் நிறுவனத்தின் கற்பனைக் கணக்கு பிரச்னை வெடித்த பின்னர் என்ன நடந்தது என்பது நீங்கள் அறிந்ததே . சத்யம் கம்ப்யூட்டர் நிறுவனத்தின் ஊழியர் ஒருவர் தன் மொத்த முதலீட்டையும் சத்யம் கம்ப்யூட்டர் நிறுவனப் பங்குகளாக வைத்திருப்பதாக இன்னொரு கற்பனை . ஒரே இரவில் அவர் நடுத்தெருவிற்கு வந்து விடுவார் . ஆக , சத்யம் கம்ப்யூட்டர் நிறுவனப் பங்குகளுடன் டிசிஎஸ் , விப்ரோ , இன்ஃப...

கரடிச்சந்தை முதலீட்டு மொழிகள் 1. எப்போதுமே காளைச்சந்தை இருக்கிறது ... அதைத் தொடர்ந்து கரடிச்சந்தை ... அதைத் தொடர்ந்து காளைச்சந்தை ... அதைத் தொடர்ந்து ... - Templeton 2. முதலீட்டில் எது சௌகரியமாக இருக்கிறதோ (காளைச்சந்தை) அது பெரும்பாலும் இலாபகரமாக இருப்பதில்லை - Robert Arnott 3. பங்குகளை பலசரக்கு மாதிரி வாங்குங்கள். வாசனைத் திரவியம் மாதிரி வாங்காதீர்கள் - Benjamin Graham 4. தெருவில் இரத்த ஆறு ஓடும் தருணம் தான் பங்குகளை வாங்க உகந்த நேரம் - John D Rockefeller 5. பங்குகளை நன்னம்பிக்கை (optimism) அடிப்படையில் வாங்காதீர்கள். எண்கணித (arithmetic) அடிப்படையில் வாங்குங்கள்   - Benjamin Graham 6. கரடிச்சந்தையில்  காளைச்சந்தையை விட பன்மடங்கு சம்பாதிப்பதற்கான மூன்று வழிகள். ஏற்கனவே உள்ள பங்குத்தொகுப்பை அடிமாட்டு விலைக்கு விற்று விடாதீர்கள். பணம் கையிருப்பாக இருந்தால் கொஞ்சம் கொஞ்சமாக முதலீடு செய்யுங்கள். பங்காதாய மறுமுதலீட்டை மேற்கொள்ளுங்கள் . 7. மதிப்பு முதலீட்டாளர்களால் கரடிச்சந்தையை உணர முடியாது. அவர்களைப் பொறுத்தவரை கரடிச்சந்தை தான் காளைச்சந்தை - Irving Khan 8. கரடிக்கு எந்த விலை...