பங்குதமிழ்

நஷ்டம் உவர்ப்பு சாய்வு Loss Aversion Bias 1000 ரூபாய் நஷ்டம் அடைவதும் 1000 ரூபாய் இலாபம் பெறுவதும் சமமல்ல . 1000 ரூபாய் நஷ்டம் அடையும் போது கிடைக்கப்பெறும் துக்கம் 1000 ரூபாய் இலாபம் பெறும் போது கிடைக்கப்பெறும் ஆனந்தத்தை விட  பன்மடங்கு பெரியதாகும் .  முதலீட்டில் இதனுடைய தாக்கம் என்னவென்று பார்க்கலாம் .  பங்குச்சந்தை முதலீடுகளின் ஆதாரமான குணம் என்னவென்றால் அது ஏறி இறங்கும் தன்மை படைத்தது . பங்குச்சந்தையின் இந்த ஏறி இறங்கும் தன்மையை , முக்கியமாக , இறங்கும் தன்மையைத் தாங்காமல் பங்குச்சந்தை முதலீடுகளை அறவே தவிர்த்து விடுவது நஷ்டம் தவிர்ப்புச் சாய்வு .  உங்கள் முதலீடுகள் உண்மையான வருமானம் என்று சொல்லப்படும் பணவீக்கத்தைக் கழித்த வருமானத்தை ஈட்ட வேண்டுமென்றால் பங்குச்சந்தை முதலீடுகள் தான் ஒரேயொரு சரியான வழி . மற்றபடி கடன் பத்திர முதலீடுகள் , தங்கம் மற்றும் நிலம் போன்றவை பணவீக்க இழப்புக் காப்பு (inflation hedge) என்ற அளவிலோ அல்லது பணவீக்கத்தைக் கொஞ்சம் விஞ்சும் அளவிலோ மட்டுமே வருமானத்தைக் கொடுக்கவல்லதாக இருக்கும் . நஷ்டம் தவிர்ப்பு சாய்வுக்கு ஆளானவர்கள் தப்பித்தவறி பங்கு முத...

ஒரு பங்குத்தொகுப்பிற்கு எத்தனை பங்குகள் தேவை? அது உங்களின் பார்வையைப் பொறுத்தது. ஒருவர் தன் வாழ்நாளில் இருபது பங்குகளை மட்டுமே வாங்க வேண்டும் என்பதாக வாரன் பஃபெட் கூறியிருக்கிறார். Walter Schloss என்கிற அமெரிக்க நிதி மேலாளர் ஒரே சமயத்தில் நூற்றுக்கணக்கான பங்குகளை வாங்கிப் பராமரித்திருக்கிறார். தனிப்பட்ட முறையில் நான் Walter Schloss பக்கம் தான். நீங்கள் மதிப்பு முதலீடாகப் பங்குகளை அடிப்படைப் பகுப்பாய்வு செய்து வாங்கி வந்தால் அத்தகைய பங்குகளைத் தினசரி கண்காணிக்க வேண்டிய தேவை எழாது. அதில் சில பங்குகள் 10 மடங்கு கூடலாம். மிகச் சில 20 மடங்கு...மிக மிகச் சில 50 மடங்கு...ஒன்றிரண்டு நிறுவனப் பங்குகள் 1000 மடங்கு ஏன் 10000 மடங்கு கூடக்கூடிய வாய்ப்புகள் உள்ளன. எது 10 மடங்காளர் எது 10000 மடங்காளர் என்று நமக்குத் தெரியாது. உங்கள் பங்குச் சலிப்பானில் (Stock Screener) எத்தனை பங்குகள் தேறி வருகிறதோ அத்தனையையும் வாங்குங்கள். மிகவும் முக்கியமாக எவ்வளவு தான் பார்த்துப் பார்த்து வாங்கினாலும் Cox & Kings மாதிரியான களைகள் அவ்வப்போது முளைத்த வண்ணமாகவே இருக்கும். அவைகளை புத்திக் கொள்முதல் என்பதாகக் கொள்ள...

மூடுபனி முதலீடு மூடுபனியில் தன் அஸ்திவாரத்தைக் கட்டிய இந்திய நிறுவனம் ஒன்றைக் குறித்து இந்தப் பதிவில் பார்க்கலாம் .  கணினிகளின் ஆரம்ப காலம் அது . இப்போது மாதிரி உள்ளங்கையில் உலகமான திறன்பேசியை அது ஒத்திருக்கவில்லை . அப்போதைய கணினி , சின்ன அறை ஒன்றின் அளவில் இருந்தது . அதன் செயல்பாட்டு வேகமோ மிகவும் குறைவாக இருந்தது . கணினிக்கான செலவை விட வரி வகையறாக்களுக்கு ஆன செலவு அதிகம் . அந்நியச்செலாவணிக் கட்டுப்பாடுகள் தனி . டாலர்களில் பணம் கொடுத்துக் கணினிகளை வாங்குவது கொடுங்கனவாக இருந்தது . இவை போதாதென்று அரசாங்கத்தின் சிவப்பு நாடா கழுத்தை இறுக்குவதாக இருந்தது . Moore's law பற்றிக் கேள்விப்பட்டிருப்பீர்கள் . ஒவ்வொரு வருடமும் கணினியின் ஆதார சுருதியான சிலிக்கன் சில்லுகளின் ஆற்றல் இரட்டிப்பாகும் . அதன் விலை பாதியாகக் குறையும் . இந்த Moore's law அதன் வேலையை முழு வீச்சில் இன்னமும் தொடங்கியிருக்கவில்லை . இணையம் அப்போது ஆமை வேகத்தில் இயங்கியது .  இந்த சூழலில் நிறுவனம் , அமெரிக்காவில் ஆரம்பித்து உலகம் முழுவதும் தன் கிளைகளைத் திறந்தது . அயலாக்கம் என்று சொல்லப்படும் outsourcing ஐ அப்போதே செய்யத் ...

J eff Bezos - மணி மொழிகள் 1. Big things start small . பெரிய விஷயங்கள் சிறிதாகவே தொடங்கும் . 2. I know that if I failed I wouldn't regret that but I knew the one thing I might regret is not trying . நான் முயன்று தோல்வியுற்றால் அதற்காக நான் வருத்தம் கொள்ள மாட்டேன் . ஆனால் முயற்சி செய்யாமல் இருப்பதற்காகக் கண்டிப்பாக நான் வருத்தம் கொள்வேன் .  3. The stock is not the company and the company is not the stock . நிறுவனப்பங்கு நிறுவனம் அல்ல . நிறுவனம் நிறுவனப்பங்கு அல்ல . 4. I own 16 percent of Amazon . Amazon's worth roughly dollar one trillion . That means that over 20 years we have built dollar 840 billion of wealth for other people , and that's really what we have done from a financial point of view . Those kinds of things are much more meaningful to me , and it's an output measure . அமேசானின் 16 சதவீதப் பங்குகளை நான் வைத்திருக்கிறேன் . அமேசானின் சந்தை மதிப்பு சற்றேறக்குறைய ஒரு டிரில்லியன் அமெரிக்க டாலர்கள் . இதன் பொருள் என்னவென்றால் கடந்த 20 ஆண்டுகளில் 840 பில்லியன் செல்வத்...