எதிர் எதிர் மனம்

எதிர் எதிர் மனம்

The Opposable Mind

இயற்கை, மனிதனுக்கு மட்டும் எதிர் விரலாக கட்டை விரலைக் கொடுத்திருக்கிறது. கட்டை விரல் மட்டும் இல்லாவிட்டால் எழுதுவது, வரைவது, ஊசியில் நூல் கோர்ப்பு உள்ளிட்ட நுட்பமான வேலைகளை நம்மால் செய்ய இயலாது.  

இயற்கை மனிதனுக்கு எதிர் எதிர் விரல்களை மட்டும் கொடுக்கவில்லை. எதிர் எதிர் மனத்தையும் கொடுத்திருக்கிறது. அது என்ன எதிர் எதிர் மனம்? ஒன்றுக்கொன்று முரணான சிந்தனைகளை மனதில் தேக்கி அவற்றிலிருந்து புதிய தீர்வை நோக்கி முன்னேறிச் செல்வது. ஒன்றிரண்டு உதாரணங்கள் சொன்னால் உங்களுக்கு எளிமையாகப் புரியும்.

பொதுவாக ஒரு பொருளை வாங்குபவர் தான் பணம் தர வேண்டும். விற்பவர் பணம் தந்தால்? கூகுள் தேடுபொறியின் வியாபார அடிப்படையே இந்த எதிர் சிந்தனை தான். கூகுள் தேடுபொறியில் நீங்கள் தேடுதல்களை உள்ளீடு செய்யும் போது உங்கள் தேடுதலை ஒட்டி விளம்பரங்கள் வரும். விளம்பரங்களைத் தரும் அந்த நிறுவனங்கள் கொடுக்கும் பணம் தான் கூகுளின் வருமானம்.

பொதுவாக வளர்ச்சி என்பதை நாம் பெரியது என்ற பதத்துடன் தான் இணைத்துப் பார்க்கப் பழகியிருக்கிறோம். சிறியதாவதன் மூலமாகவும் வளரலாம். குழப்பமாக இருக்கிறதா? பங்குச்சந்தையில், நிறுவனங்கள், தங்கள் நிறுவனப்பங்குகளைத் திரும்ப வாங்குதல் என்ற நிகழ்வைக் கேள்விப்பட்டிருப்பீர்கள். அப்போது என்ன நடக்கிறது? ஒரு நிறுவனத்திற்கு 1000 பங்குகள் இருப்பதாக வைத்துக்கொள்வோம். 500 பங்குகளை நிறுவனம் திரும்ப வாங்கிக் கொள்கிறது. பங்குச்சந்தையில் அதன் மதிப்பு இரட்டிப்பாகி விடும். அதாவது  சிறியதே பெரியது என்று ஆகி விடுகிறது . இவ்வாறாக சிறியதாவதன் மூலமாகவும் வளரலாம்.

இயற்கை இப்பூவுலகில் நமக்கு மட்டுமே அளித்திருக்கும் இந்த அரிதினும் அரிதான அருட்கொடையைப் பயன்படுத்தி வாழ்வில் முன்னேறுவோம்.

Inspiration from the book The Opposable Mind by Roger Martin

Comments

Post a Comment

Popular posts from this blog

பங்காதாயம் - பாடப்படாத ஒரு பாடல்

பங்காதாயம் - பாடப்படாத ஒரு பாடல் பாட்டியும் பேத்தியும் உரையாடிக் கொண்டிருக்கிறார்கள். பேத்தி, கடந்த வருடப் பங்குச்சந்தை அவளை நட்டாற்றில் விட்டதாகப் புலம்புகிறாள். பாட்டி, கடந்த வருடப் பங்குச்சந்தை மிகச் சிறப்பாக இருந்ததாகவும், பங்காதாயம், அதற்கு முந்தைய வருடத்தை விடக் கூடுதலாகக் கிடைத்ததாகவும் கூறுகிறாள். யார் சொல்வது சரி? அவரவர் கோணத்தில் இருவர் சொல்வதும் சரி தான். ஆனால், பங்குச்சந்தையைச் சரியான கோணத்தில் பார்ப்பது மிகவும் முக்கியம். அந்த வகையில் பாட்டியின் கருத்து தான் சரி.  பங்கு முதலீட்டில் இரண்டு விதங்களில் வருமானம் கிடைக்கிறது. ஒன்று, முதலீட்டுப்பெருக்கம் (capital appreciation)  இரண்டு, பங்காதாயம் (dividend) இதில் முதலீட்டுப் பெருக்கத்தைத் தான் நம்மவர்கள் முக்கியத்துவம் வாய்ந்ததாகக் கருதுகின்றனர். இன்ன விலைக்கு வாங்கினேன், இன்ன விலைக்கு விற்றேன், இவ்வளவு இலாபம் என்பதாகத் தான் அவர்களின் எண்ணக்கணக்கு இருக்கும். பங்காதாயத்தைப் பற்றிய பேச்சே இருக்காது. மேலும், பங்காதாயம் பங்குகளின் முக மதிப்பிற்கு வழங்கப்படுவதால் மிகவும் குறைவாக இருக்கும். ஒரு சின்ன உதாரணம். HDFC நிறுவனப் பங...
Read more

அருமைப்பாடு சாய்வு

அருமைப்பாடு சாய்வு Scarcity Bias சாதாரண பொருட்களுக்கு அசாதாரணமான காலங்களில் ஏற்படும் செயற்கையான தட்டுப்பாடு அருமைப்பாடு சாய்வு (Scarcity Bias) என்பதாக அழைக்கப்படுகிறது . கோவிட் 19 நோய்த் தொற்றின் போது முகக் கவசத்திற்கான தேவைப்பாடு (demand) மீமிகைப் பெருக்கத்திற்கு உள்ளானது . ஆனால் அளிப்பு (supply) குறைவாக இருந்தது . விளைவாக அதன் விலை நாளும் அதிகரித்த வண்ணம் இருந்தது . இதில் முக்கியமாகக் கவனிக்க வேண்டியது முகக்கவசம் கிடைத்தற்கரிய பொருள் ஒன்றும் அல்ல . அந்தக் காலகட்டத்தில் அதற்கான தேவை அதிகமாக இருந்தது . Panic buying என்ற அடிப்படையில் மக்களும் முகக் கவசத்தினைப் போட்டி போட்டு வாங்கி அதற்கான அருமைப்பாட்டை உயர்த்திய வண்ணம் இருந்தனர் .  சில பருவங்களில் சில காய்கனிகள் விளையாது . அல்லது வரத்து குறைவாக இருக்கும் . அப்போது அவற்றின் விலைகள் அருமைப்பாடு சாய்வுக்கு உள்ளாகும் . உழவர் சந்தையில் ஒரேயொருவரிடம் தான் முருங்கைக்காய் இருக்கிறதென்றால் அவர் வைத்தது தான் விலை . நிறுவனங்கள் செயற்கையாக ஒரு பொருளுக்கு அல்லது சேவைக்கான அருமைப்பாட்டை உயர்த்தும் செயல்களில் ஈடுபடும் . இன்றே கடைசி , முதலில் வருபவ...
Read more

பங்குச்சந்தை பதில்கள் - 14

ப ங்குச்சந்தை பதில்கள் - 14 கேள்வி : கும்பமேளா காலங்களில் சந்தை சரிவது குறித்து ? பதில் : கலைந்து செல்லும் மேகங்களில் உருவங்களைப் பார்க்கும் விளையாட்டு . கேள்வி : Efficient Market Hypothesis என்பதை ஒரே வரியில் விளக்க முடியுமா ? பதில் : பங்கின் விலை = பங்கின் மதிப்பு  கேள்வி : சந்தை அடிக்கடி சரிவுடன் நிறைவடைவதைக் கவனித்தீரா ? பதில் : சரிவே நிறைவு ! கேள்வி : புதிய Demat கணக்குகளின் எண்ணிக்கை வரலாற்று உச்சத்தை எட்டியிருப்பது குறித்து ? பதில் : காளைச்சந்தை , Demat கணக்குகளின் எண்ணிக்கையை வரலாற்று உச்சத்திற்குக் கொண்டு சென்றிருக்கிறது . கரடிச்சந்தையில் என்ன ஆகிறது என்று பார்க்க வேண்டும் . கேள்வி : பன்மடங்காளராகட்டும் என்று பங்கு ஒன்றை வைத்திருந்தேன் . இரு மடங்காளராகிய பங்கு இப்போது பாதி குறைந்து ஒரு மடங்காளர் ஆகி விட்டது . சற்று 'ஙே' என்பதாக உணர்கிறேன் ? பதில் : நீண்ட காலத்தில் 'ஓஹோ' என்றுணர இந்தக் குறுகிய கால 'ஙே'க்களைச் சகித்துக் கொண்டு தான் ஆகவேண்டும் . கேள்வி : அடுத்த ஓராண்டில் 200 சதவீத வருமானத்தைத் தரும் பங்கு எதுவென்று சொல்ல முடியுமா ? பதில் : கேட்பது த...
Read more