பங்குதமிழ்

வாயை மூடி பேசவும் எப்படிப்பட்ட வார்த்தைப் பின்னல்களும் தோற்றுவிக்க முடியாத உணர்ச்சியை மிகச் சரியாகக் கையாளப்பட்ட சிறிய மௌனம் உணர்த்தி விடும் - மார்க் ட்வெய்ன் மனிதன் தோன்றிய புதிதில் தன் உணர்ச்சிகளை ஸ்பரிசத்தினால் தான் வெளியிட்டிருப்பான் என்று தோன்றுகிறது . இன்னமும் கூடத்தான் . மனிதன் பேச்சிலே இவ்வளவு வல்லாளன் ஆன பிறகும் கூடத்தான் - காண்டேகர் சொல்லாத சொல்லுக்கு விலை ஏதுமில்லை .             *                   *                    ‌* அதிர்ஷ்டத்தை வரவழைக்கும் ஒரு வழிமுறையாக Max Gunther இந்த Closed Mouth என்ற கருத்தாக்கத்தைச் சொல்கிறார் . அமெரிக்க ஜனாதிபதி Calvin Coolidge ன் கதையைக் கொண்டு அதனைச் சுருக்கமாகப் பார்க்கலாம் . Coolidge அவசியத்திற்குப் பேசுவாரேயன்றி அனாவசியமாக ஒரு வார்த்தை பேச மாட்டார் . அவரைப் பற்றிய ஒரு பிரபலமான நகைச்சுவை : வாஷிங்டனைச...

பங்குச்சந்தை பதில்கள் - 8 கேள்வி : கிரெடிட் கார்டு மூலமாகப் பணம் பெற்று குறுகிய காலப் பங்கு முதலீடுகள் செய்து இலாபம் பெறுவது குறித்து ? பதில் : ∆°¢$€° கேள்வி : காளைச்சந்தை அல்லது கரடிச்சந்தை - எது அதிக நாட்கள் நீடிப்பதாக இருக்கும் ? பதில் : இரண்டுமில்லை . அது பக்கவாட்டுச் சந்தை என்று அழைக்கப்படும் range bound market . கேள்வி : மும்பையிலிருந்து முதலீட்டுக்கு உதவுமா ? பதில் : வாரன் பஃபெட் நியூயார்க்கில் இல்லை . ஒமாகா எனப்படும் ஒரு தூங்கும் நகரத்தில் மட்டுமே இருக்கிறார் .   கேள்வி : பங்குச்சந்தை வர்த்தகத்தைக் கால நீட்டிப்பு செய்வது சாதகமா அல்லது பாதகமா ? பதில் : போதாத காலம் . கேள்வி : என் நண்பர் F & O ல் கொழிக்கிறார் ? இதைப்பற்றி உங்கள் கருத்து ? பதில் :  மேலேயிருந்து விழும் போது முதலில் பறப்பது மாதிரி தான் இருக்கும் .   கேள்வி : நீண்ட கால அளவில் நாம் எல்லோரும் இறந்து விடுவோம் என்று முதலீட்டாளர் Keynes கூறியிருக்கிறாரே ? பதில் : ஆனால் நீண்ட கால அளவில் தரமான நிறுவனங்கள் உயிர் வாழும் . நம் வாரிசுகளும் வாழையடி வாழையாக வாழ்ந்து வருவார்கள் . கேள்வி : நிதிகள...

வாழ்க்கை மொழிகள் - 4 1. After the game , the king and the pawn go into the same box - Italian Proverb ஆட்டம் முடிந்த பின்பு ராஜாவும் சிப்பாயும் ஒரே பெட்டியில் அடைக்கலமாகிறார்கள் . 2. Be tolerance with others and strict with yourself - Marcus Aurelius மற்றவர்களிடம் சகிப்புத் தன்மையுடன் இருங்கள் . உங்களிடம் கண்டிப்புடன் இருங்கள் . 3. We all have just as much opportunity to be happy as we have to be miserable - Munger நம் முன்னே மனமகிழ்ச்சியுடன் இருப்பதற்கும் நிறைய வாய்ப்புகள் உள்ளன . மனவலியுடன் இருப்பதற்கும் அதே அளவு வாய்ப்புகள் உள்ளன . 4. As long as you live , keep learning how to live - Seneca எவ்வளவு காலம் வாழ்கிறீர்களோ அவ்வளவு காலம் எப்படி வாழ்வது என்று கற்ற வண்ணமே இருங்கள் . 5. Happiness will never come to those who fail to appreciate what they already have - Buddha மகிழ்ச்சி என்பது ஏற்கெனவே  கைக்கொண்டவைகளை ஆராதிக்காதவர்களுக்கு ஒருபோதும் கிடைக்கப்பெறாது . 6. Don't count the days . Make the days count - Muhammad Ali நாட்களை வெறுமனே கணக்கிடாதீர்கள் . ஒவ்வொரு நாளையும் க...

விருப்பமில்லாத் திருப்பங்கள் நிறுவனப் பங்கு ஒன்றின் விலை 100 ரூபாய் என்று கொள்ளலாம் . குறுகிய காலத்தில் அந்தப் பங்கின் விலை 110 ரூபாயை எட்டும் என்பதாக நீங்கள் கணிக்கிறீர்கள் . உங்கள் கையில் இப்போது 1000 ரூபாய் இருக்கிறது . பங்குகளாக வாங்கினால் உங்களால் 1000 ரூபாய்க்கு 10 பங்குகளை மட்டுமே வாங்க முடியும் . அதனையே call option முறையில் அழைப்பு நிலைப்பாடு (110 call) ஒன்றை எடுத்துக் கொண்டால் ஒரு அழைப்பு விருப்பம் 2 ரூபாய் என்ற கணக்கில் 1000 ரூபாய்க்கு 5 விருப்ப ஒப்பந்தங்களை (ஒவ்வொரு ஒப்பந்தமும் 100 அழைப்பு விருப்பங்களை உள்ளடக்கியது) வாங்கிக் கொள்ளலாம் . பங்கின் விலை நீங்கள் எதிர்பார்த்த மாதிரி 10 ரூபாய் உயர்ந்தால் ஒரு அழைப்புக்கு 110 - (100 + 2) = 8  என்ற கணக்கில் 500 அழைப்புகளுக்கு (5 விருப்ப ஒப்பந்தங்களுக்கு) 4000 ரூபாய் உங்களுக்குக் கிடைக்கும் . நீங்கள் 1000 ரூபாய்க்கு வாங்கிய விருப்பத் தேர்வு செலவைக் கழித்தால் உங்களுக்கான இலாபம் 3000 ரூபாய் . இதில் உராய்வுச் செலவுகள் கணக்கில் கொள்ளப்படவில்லை . பங்குகளாக வாங்கினால் உங்களுக்கான இலாபம் வெறும் 10 சதவீதம் மட்டுமே . அதே சமயம் பங்குகள் உய...

திட்டமிடப்படாத விளைவுகள் Unintended Consequences குழந்தைகள் காப்பகம் ஒன்றில் ஒரு சிறிய பிரச்னை எழுந்தது . மாலை ஆறு மணிக்கு காப்பகம் மூடப்படும் . ஆனால் ஒரு பத்து சதவீதம் பெற்றோர்கள் மாலை ஆறரை , ஏழு என்று வந்த வண்ணம் இருந்தார்கள் . இவர்களைச் சரியான நேரத்திற்கு வரவழைக்கும் பொருட்டு காப்பகத்திற்குத் தாமதமாக வரும் பெற்றோர்களுக்கு அபராதம் விதிப்பது என்று முடிவெடுக்கப்பட்டது . ஆனால் ஆச்சரியப்படத்தக்க வகையில் அபராதம் விதிப்பது என்று முடிவெடுக்கப்பட்ட பின்னர் தாமதமாக வரும் பெற்றோர்களின் சதவீதம் அதிகரிக்கத் தொடங்கியது . அபராதம் விதிக்காத போது தாமதமாக வரும் பெற்றோர்களுக்கு ஒரு குற்ற உணர்வு இருந்தது . அந்தக் குற்ற உணர்வுக்கு அபராத வடிவில் ஒரு விலை நிர்ணயம் செய்த பிறகு பெற்றோர்களின் குற்ற உணர்வு குறையத் தொடங்கியது . விளைவாக தாமதமாக வரும் பெற்றோர்கள் அதிகரிக்கத் தொடங்கினர் . இது unintended consequences என்பதாக அழைக்கப்படுகிறது . கார் ஓட்டுதல் என்பது இப்போது ஆபத்தில்லாத பயண முறையாக மாறி விட்டது . குண்டும் குழியும் இல்லாத நெடுஞ்சாலைகள் , மிதித்தால் டக்கென்று பிடிக்கும் நிறுத்தி (brake) இருக்கைப் பட்டை...

வேகம் விவேகம் அல்ல . ஒரு இலட்சம் ரூபாய் முதலீடு செய்தால் எங்கள் வியாபாரத்தில் பங்குதாரர் ஆகலாம் . நிலம் , பல்பொருள் அங்காடி , காப்பீடு , தங்கம் , உணவகம் ... என்று 18 வகையான தொழில்களில் முதலீடு செய்கிறோம் என்று வகையாக முதலீட்டாளர்களை (?) ஏமாற்றியிருக்கிறது ஒரு நிறுவனம் . ஒரு இலட்சம் ரூபாய்க்கு எங்கள் நிறுவனப்பங்குகளை வாங்கினால் மாதம் 10000 ரூபாய் இலாபப் பங்கீடு தருகிறோம் , இரண்டு ஆண்டுகளில் உங்கள் ஒரு இலட்சம் ரூபாயைத் திரும்பப் பெற்றுக் கொள்ளலாம் என்று சொல்லி 161 கோடி ரூபாய் மோசடி செய்திருக்கிறது . முதலில் இந்த மாதிரி தனிப்பட்ட எவரும் இவ்வளவு எண்ணிக்கையில் பங்குகளை வெளியிட முடியாது . பங்கு வெளியீட்டுக்கென்று ஏகப்பட்ட சட்ட திட்டங்கள் இருக்கின்றன . இம்மாதிரி வருமானம் தரக்கூடிய முதலீட்டு வாய்ப்புகள் (ஒருவேளை) இருந்தால் அதனை யாரும் யாருடனும்  பகிர்ந்து கொள்ள விரும்ப மாட்டார்கள் . இன்னொன்று 18 வகையான வியாபாரங்களில் ஈடுபடுவதற்கான அவர்களின் தகுதி என்ன என்பதைப் பார்க்க வேண்டும் . எனக்கென்னவோ அவர்கள் ஒரேயொரு வியாபாரத்தை மட்டும் செவ்வனே செய்வதாகத் தோன்றுகிறது . அது முதலீடு செய்பவர்களை ...

பங்கு கேள்வி பதில் - 3 கேள்வி : ROCE அதிகமாகவும் , PE விகிதம் குறைவாகவும் உள்ள பங்கு ஒன்றைப் பரிந்துரைக்க முடியுமா ? பதில் : Coal India . கேள்வி : இன்ஃபோசிஸ் நிறுவனப் பங்கு இன்றைய தேதியில் ஒரு மல்டிபேக்கர் என்பதெல்லாம் சரி , ஆண்டாண்டாக இவ்வாறு ஒரு நிறுவனப் பங்கை விற்காமல் வைத்திருப்பது சாத்தியமாகக்கூடிய ஒரு நிகழ்வா ? பதில் : பெரும்பாலும் சாத்தியமில்லை . சாத்தியமானால் அதன் மதிப்புப் பெருக்க சாத்தியக்கூறுகள் அனேகம் . இந்த இடத்தில் ஒரு தகவலைக் கூற விழைகிறேன் . அமெரிக்க ஆய்வு ஒன்றின் படி பணமாக்கம் செய்யப்படாத இறந்த முதலீட்டாளர்களின் பங்குத் தொகுப்புகள் சிறப்பாகச் செயல்படுகின்றனவாம் . கேள்வி : பங்கு முதலீட்டு வருமானங்கள் ஆளாளுக்கு மாறுமா ? பதில் : இன்ஃபோசிஸ் நிறுவனப் பங்கு ஒரு மல்டிபேக்கர் . அதனால் இலாபம் பெற்றவர்களைத் தவிர நஷ்டம் அடைந்தவர்கள் எவருமிலர் . சரியா ? தவறு . இன்ஃபோசிஸ் பங்கை 2000 ஆவது ஆண்டில் அதன் உச்ச விலையில் வாங்கியவர்கள் , இலாபம் மற்றும் நஷ்டம் இல்லாத நிலையை (breakeven point) அடையப் பல்லாண்டுகள் ஆனது . 2000 ல் வாங்கி பின்னர் தொடர்ந்து Average down (பங்குகளின் விலை...