பழமொழி பதில்கள் - 2

பழமொழி பதில்கள் - 2


கேள்வி : குறியீட்டு நிதிகள் சராசரி வருமானத்தை மட்டுமே தருவதாக இருக்கையில் ஏன் அவற்றில் முதலீடு செய்ய வேண்டும் ?


பதில் : மணிக்கு ஓர் அங்குலமே ஆனாலும் ஒரு நாளைக்கு ஓர் அடியாகும் .



கேள்வி : Futures and Options நிலைப்பாடுகள் ஏன் தொடர்ந்தவாக்கில் பலன் தருவதாக இல்லை ?


பதில் : நெருப்புப் பந்தலிலே மெழுகு பொம்மை ஆடுமா ?



கேள்வி : முதலீடுகளுக்கான வங்கி வட்டி விகிதங்கள் குறைந்து கொண்டே வருகிறது . தனிப்பட்ட முறையில் வட்டிக்கு விடலாமா ?


பதில் : கையால் கொடுத்ததைக் காலால் வாங்க வேண்டும் .



கேள்வி : பங்குத் தொகுப்பைப் பழுது பார்ப்பது குறித்து ?


பதில் : மனிதனால் பராமரிக்கப்பட்ட தோட்டத்தை விட இயற்கையால் பராமரிக்கப்பட்ட காடு செழிப்பாகக் காணப்படுகிறது .



கேள்வி : IPO ல் வாங்கப்பட்ட ஒரு ITC பங்கு 413 பங்குகளாக வளர்ந்திருக்கிறது என்பதாகப் படித்தேன் . இது உண்மை தானா ? பங்குகள் இத்தனை வளர்ச்சிக்கு உள்ளாகுமா ?


பதில் : ஒரு மரத்திலுள்ள கனிகளை எண்ண முடியும் . ஒரு கனியினுள் இருக்கும் மரங்களை எண்ண முடியாது .



கேள்வி : குறுகிய காலத்தில் கூடக் கூடிய பங்குகளை இனங்கண்டு முதலீடு செய்து அவற்றைக் கை மாற்றி விடுதல் எப்படித் தவறாகும் ?


பதில் : ஆறு முறை இருக்கையை மாற்றுவோன் ஆண்டியாவான் .



கேள்வி : பணவீக்கத்தை விட பொருட்களின் விலை குறைவதான பணவாட்டம் நல்லது தானே ?


பதில் : சாமான்கள் கிராக்கியாயிருந்தால் ஒருமுறை அழுபவர்கள் மலிவாயிருந்தால் பலமுறை அழ வேண்டியிருக்கும் .



கேள்வி : மனிதர்கள் கடைப்பிடிக்க வேண்டிய பண்புகளில் தலையாய ஒன்று என்று எதனைக் கூறுவீர்கள் ?


பதில் : சிக்கனம் இருந்தால் மற்ற நல்ல பண்புகள் யாவும் வந்து விடும் .

சிக்கனத்திற்கு மேலான ரசவாதமில்லை.



கேள்வி : பங்குச்சந்தையில் வெற்றி பெற என்ன செய்ய வேண்டும் ?


பதில் : நடந்து கொண்டே இருங்கள் . பாதை தானாக உருவாகும் .



கேள்வி : வளமையை அடைவதற்கான வழிமுறையில் பயணிப்பது அல்லது வளமையை அடைவது - எதில் அதிக சுவாரஸ்யம் ?


பதில் : மலையுச்சியில் வெறுமை . மலையேற்றமே இனிமை .

Comments

Post a Comment

Popular posts from this blog

பங்காதாயம் - பாடப்படாத ஒரு பாடல்

பங்காதாயம் - பாடப்படாத ஒரு பாடல் பாட்டியும் பேத்தியும் உரையாடிக் கொண்டிருக்கிறார்கள். பேத்தி, கடந்த வருடப் பங்குச்சந்தை அவளை நட்டாற்றில் விட்டதாகப் புலம்புகிறாள். பாட்டி, கடந்த வருடப் பங்குச்சந்தை மிகச் சிறப்பாக இருந்ததாகவும், பங்காதாயம், அதற்கு முந்தைய வருடத்தை விடக் கூடுதலாகக் கிடைத்ததாகவும் கூறுகிறாள். யார் சொல்வது சரி? அவரவர் கோணத்தில் இருவர் சொல்வதும் சரி தான். ஆனால், பங்குச்சந்தையைச் சரியான கோணத்தில் பார்ப்பது மிகவும் முக்கியம். அந்த வகையில் பாட்டியின் கருத்து தான் சரி.  பங்கு முதலீட்டில் இரண்டு விதங்களில் வருமானம் கிடைக்கிறது. ஒன்று, முதலீட்டுப்பெருக்கம் (capital appreciation)  இரண்டு, பங்காதாயம் (dividend) இதில் முதலீட்டுப் பெருக்கத்தைத் தான் நம்மவர்கள் முக்கியத்துவம் வாய்ந்ததாகக் கருதுகின்றனர். இன்ன விலைக்கு வாங்கினேன், இன்ன விலைக்கு விற்றேன், இவ்வளவு இலாபம் என்பதாகத் தான் அவர்களின் எண்ணக்கணக்கு இருக்கும். பங்காதாயத்தைப் பற்றிய பேச்சே இருக்காது. மேலும், பங்காதாயம் பங்குகளின் முக மதிப்பிற்கு வழங்கப்படுவதால் மிகவும் குறைவாக இருக்கும். ஒரு சின்ன உதாரணம். HDFC நிறுவனப் பங...
Read more

அருமைப்பாடு சாய்வு

அருமைப்பாடு சாய்வு Scarcity Bias சாதாரண பொருட்களுக்கு அசாதாரணமான காலங்களில் ஏற்படும் செயற்கையான தட்டுப்பாடு அருமைப்பாடு சாய்வு (Scarcity Bias) என்பதாக அழைக்கப்படுகிறது . கோவிட் 19 நோய்த் தொற்றின் போது முகக் கவசத்திற்கான தேவைப்பாடு (demand) மீமிகைப் பெருக்கத்திற்கு உள்ளானது . ஆனால் அளிப்பு (supply) குறைவாக இருந்தது . விளைவாக அதன் விலை நாளும் அதிகரித்த வண்ணம் இருந்தது . இதில் முக்கியமாகக் கவனிக்க வேண்டியது முகக்கவசம் கிடைத்தற்கரிய பொருள் ஒன்றும் அல்ல . அந்தக் காலகட்டத்தில் அதற்கான தேவை அதிகமாக இருந்தது . Panic buying என்ற அடிப்படையில் மக்களும் முகக் கவசத்தினைப் போட்டி போட்டு வாங்கி அதற்கான அருமைப்பாட்டை உயர்த்திய வண்ணம் இருந்தனர் .  சில பருவங்களில் சில காய்கனிகள் விளையாது . அல்லது வரத்து குறைவாக இருக்கும் . அப்போது அவற்றின் விலைகள் அருமைப்பாடு சாய்வுக்கு உள்ளாகும் . உழவர் சந்தையில் ஒரேயொருவரிடம் தான் முருங்கைக்காய் இருக்கிறதென்றால் அவர் வைத்தது தான் விலை . நிறுவனங்கள் செயற்கையாக ஒரு பொருளுக்கு அல்லது சேவைக்கான அருமைப்பாட்டை உயர்த்தும் செயல்களில் ஈடுபடும் . இன்றே கடைசி , முதலில் வருபவ...
Read more

பங்குச்சந்தை பதில்கள் - 14

ப ங்குச்சந்தை பதில்கள் - 14 கேள்வி : கும்பமேளா காலங்களில் சந்தை சரிவது குறித்து ? பதில் : கலைந்து செல்லும் மேகங்களில் உருவங்களைப் பார்க்கும் விளையாட்டு . கேள்வி : Efficient Market Hypothesis என்பதை ஒரே வரியில் விளக்க முடியுமா ? பதில் : பங்கின் விலை = பங்கின் மதிப்பு  கேள்வி : சந்தை அடிக்கடி சரிவுடன் நிறைவடைவதைக் கவனித்தீரா ? பதில் : சரிவே நிறைவு ! கேள்வி : புதிய Demat கணக்குகளின் எண்ணிக்கை வரலாற்று உச்சத்தை எட்டியிருப்பது குறித்து ? பதில் : காளைச்சந்தை , Demat கணக்குகளின் எண்ணிக்கையை வரலாற்று உச்சத்திற்குக் கொண்டு சென்றிருக்கிறது . கரடிச்சந்தையில் என்ன ஆகிறது என்று பார்க்க வேண்டும் . கேள்வி : பன்மடங்காளராகட்டும் என்று பங்கு ஒன்றை வைத்திருந்தேன் . இரு மடங்காளராகிய பங்கு இப்போது பாதி குறைந்து ஒரு மடங்காளர் ஆகி விட்டது . சற்று 'ஙே' என்பதாக உணர்கிறேன் ? பதில் : நீண்ட காலத்தில் 'ஓஹோ' என்றுணர இந்தக் குறுகிய கால 'ஙே'க்களைச் சகித்துக் கொண்டு தான் ஆகவேண்டும் . கேள்வி : அடுத்த ஓராண்டில் 200 சதவீத வருமானத்தைத் தரும் பங்கு எதுவென்று சொல்ல முடியுமா ? பதில் : கேட்பது த...
Read more