சார்லி முஞ்சர் மணி மொழிகள் - 2

சார்லி முஞ்சர் மணி மொழிகள் - 2

CHARLIE MUNGER Quotes - 2

1. The first rule of compounding is never interrupt it unnecessarily .

கூட்டுப் பெருக்கத்தின் முதல் விதி அதனைத் தேவையின்றி இடர்ப்பாடுகளுக்கு உள்ளாக்கக் கூடாது என்பதாகும் .

2. Knowing what we don't know is more useful than being brilliant .

நமக்கு எது தெரியாது என்பதைத் தெரிந்திருப்பது நமது புத்திசாலித்தனத்தை விட உபயோகமானது  .

3. Optimism has no place in accounting .

நன்னம்பிக்கைக்குக் கணக்கியலில் இடம் இல்லை .

4. The economics are irrelevant if you don't have trust .

உங்கள் மீது மற்றவர்களுக்கு நம்பிக்கை இல்லையென்றால் உங்கள் பொருளியல் பொருத்தமற்றதாகி விடும் .

5. If people weren't so often wrong we wouldn't be so rich .

மக்கள் அடிக்கடி தவறு செய்யாமல் இருந்திருப்பார்களேயானால் நாங்கள் இவ்வளவு பணக்காரர்கள் ஆகியிருக்க முடியாது .

6. There are answers worth billions of dollars in a 30 dollar history book .

வெறும் 30 டாலர் மதிப்புள்ள வரலாற்றுப் புத்தகத்தில் கோடிக்கணக்கான டாலர் மதிப்புள்ள விடைகள் கொட்டிக் கிடக்கின்றன .

7.  I don't know how to get smart without reading a lot .

நிறைய நிறையப் படிக்காமல் புத்திசாலி ஆவது குறித்து நான் அறியேன் .

8. I have a passion for keeping things simple .

விஷயங்களை எளிமையாக்குவதில் நான் வேட்கை கொண்டிருக்கிறேன் .

9. I have a considerable passion to get rich because I desperately wanted independence .

நான் செல்வம் சேர்ப்பதில் தீராக்காதல் கொண்டவன் , ஏனெனில் அது தரும் சுதந்திரம் எனக்கு முக்கியமானது .

10.The best thing a human being can do is to help another human being know more .

மாந்தர்கள் மற்றவர்களுக்குச் செய்யக்கூடிய உன்னதமான ஒரு செயல் , ஒன்றைக் குறித்து மேலும் தெரிந்து கொள்ள உதவுவது .

Charlie Munger (1924 - 2023) வாரன் பஃபெட்டின் ஆத்ம நண்பர் மற்றும் தொழில்முறைப் பங்குதாரர் . பஃபெட் , தனது முதலீட்டு வாழ்க்கையின் ஆரம்பக் காலகட்டத்தில் அவருடைய குருவான பெஞ்சமின் கிரகாமின் இறுக்கமான முதலீட்டு உத்திகளைக் கடைப்பிடித்து வந்தார் . Cigar butt investing எனப்படும் இந்த முதலீட்டு உத்தியின் படி சிக்கலில் மாட்டியிருக்கும் நிறுவனப்பங்குகளை அடிமாட்டு விலையில் வாங்க வேண்டியது , பின்னர் அத்தகைய பங்குகளின் விலை கூடியதும் அவற்றை விற்று விட வேண்டியது . மதிப்பான பங்குகளை மலிவு விலையில் வாங்குவது என்பது வேறு . மதிப்பற்ற பங்குகளை மலிவு விலையில் வாங்குவது என்பது வேறு . கிரகாமின் உத்தி இந்த இரண்டாவது வகையைச் சார்ந்ததாக இருந்தது . மேலும் இத்தகைய பங்குகளை விற்று மட்டுமே அவற்றின் மதிப்பைக் கைப்பற்ற முடியும் . சந்தை ஓரளவு வளர்ந்து முதலீட்டாளர்கள் கூர்மதியை அடைந்த பின்னர் மதிப்பான பங்குகள் மலிவு விலையில் வர்த்தகமாவது மேலும் மேலும் அரிதாகிக் கொண்டே சென்றது . அப்போது தான் Charlie Munger , மதிப்பான பங்குகளை மதிப்பான விலையில் அதாவது ஓரளவு உயர்வான விலையில் வாங்க வாரனுக்கு அறிவுறுத்தினார் . பஃபெட்டின் முதலீட்டு வாழ்க்கையில் அது ஒரு முக்கியமான திருப்புமுனையாக அமைந்தது . See's candies நிறுவனத்தில் தொடங்கி ஏராளமான , சந்தையில் பட்டியலிடப்படாத நிறுவனங்கள் மொத்தமாகவும் , சந்தையில் பட்டியலிடப்பட்ட நிறுவனங்கள் சிறுபான்மை என்ற அளவீடுகளிலும் வாங்கப்பட்டன . GEICO நிறுவனம் சிறுபான்மை என்ற அளவில் வாங்கப்பட்டு பின்னர் பெரும்பான்மையாகி இறுதியில் தனிப்பட்ட நிறுவனமாகியது . இவற்றில் பலவற்றின் பின்னால் ஊடும் பாவுமாக Munger ன் பங்களிப்பு இருக்கிறது . பெரிய கதையைச் சுருக்கமாகச் சொல்ல வேண்டுமென்றால் Don’t buy cheap stocks , Buy stocks cheaply என்பது முஞ்சரின் தாரக மந்திரமாக இருந்தது . மலிவான பங்குகளை வாங்காதீர்கள் . பங்குகளை மலிவாக வாங்குங்கள் . மேலும் இந்த மலிவு என்பது மிகவும் முக்கியமாகப் பார்க்கிறவர்களின் பார்வையில் இருக்கிறது . பஃபெட் , அவருடைய முதலீட்டு நிறுவனத்தைத் தொடங்கும் போது அதன் ஒரு பங்கின் விலை 12.37 டாலர் . அதன் தற்போதைய விலை 545900 டாலர் . இந்திய ரூபாய் மதிப்பில் ஒரு பங்கின் தற்போதைய விலை 4.55 கோடி . இந்த மதிப்பு உருவாக்கத்தில் Charlie Munger ன் பங்கு அளப்பரிய ஒன்று .