பங்குதமிழ்

Posts

மறைந்திருக்கும் உண்மைகள்

June 13, 2026

மறைந்திருக்கும் உண்மைகள் PE Multiple என்று கூறப்படும் விலை-வருவாய் விகிதம் பற்றி ஏற்கெனவே படித்திருக்கிறோம். நிறுவனப்பங்கு ஒன்றின் விலை, அது ஈட்டும் ஒரு பங்கு வருவாயின் எத்தனை மடங்குகளில் வர்த்தகமாகிறது என்ற விகிதமே விலை-வருவாய் விகிதம். அதற்கான சமன்பாடு: விலை-வருவாய் விகிதம்= பங்கின் விலை ÷ ஒரு பங்கு வருவாய் பங்கு ஒன்றின் விலை நமக்கு எதையும் தெரிவிப்பதில்லை. பங்கு ஒன்றின் விலையைக் கொண்டு அது மலிவு அல்லது அதிகம் என்பதான எந்த ஒரு முடிவுக்கும் நாம் வரமுடியாது. பங்கு ஒன்றின் PE எவ்வளவு என்று பார்ப்பது தான் சரியான ஒரு பார்வையாக இருக்கும். ஒரு பங்கு 1000 ரூபாய் என்ற விலையில் மலிவாகவும் (PE 10) மற்றொரு பங்கு 100 ரூபாய் என்ற விலையில் விலை அதிகமாகவும் (PE 20) இருக்கும். மேலும், பங்குகளின் விலையைப் பார்க்கும் போது அதன் முக மதிப்பையும் (face value) கணக்கில் கொள்ள வேண்டும். Groww நிறுவனப்பங்கு ரூ.191.55 என்ற விலையில் வர்த்தகமாகிறது. அதன் விலை மலிவாக இருப்பது போல் தோன்றுகிறது. ஆனால் அது வெறும் தோற்றம் மட்டுமே. அதன் முக மதிப்பு ஒரு ரூபாயாகவும் அதன் PE, 56.34 என்ற உயர் அளவீட்டிலும் ...

மிகை முதல் நீர்க்காமை

June 06, 2026

மிகை முதல் நீர்க்காமை Minimum Equity Dilution பங்குச் சலிப்பானின் ஆறு அளவுருக்கள்: 1. மிகை முதல் நீர்க்காமை 2. மிகை கடன் இல்லாமை 3. நிறுவனர் பங்கு 4. தரமான வளர்ச்சி 5. அகழி 6. அறம் இவற்றில் மிகை முதல் நீர்க்காமை குறித்து இந்தப் பதிவில் பார்க்கலாம். உலகெங்கிலும் உள்ள நாணயங்கள், நாளும் தத்தமது மதிப்பை இழந்து வருவதற்கான அடிப்படையான காரணம், அரசாங்கங்கள் அவற்றை அச்சடித்துப் புழக்கத்தில் விடுவது தான். 1971 ஆம் ஆண்டுக்கு முன்னர் ஒரு நாடு எவ்வளவு தங்கத்தை இருப்பில் வைத்திருக்க முடியுமோ அவ்வளவு பணத்தை மட்டுமே வெளியிட முடியும் என்பதான கட்டுப்பாடுகள் நடைமுறையில் இருந்தன. 1971 ஆம் ஆண்டு இந்த அளவுகோல் கைவிடப்பட்டு விட்டது. பண நீர்த்தல் என்பது வாடிக்கையாகி விட்டது. Bitcoin போன்ற எண்ணிம நாணயங்கள் (crypto currencies) அவற்றின் மதிப்பைத் தக்க வைத்திருப்பதற்கான அடிப்படையான காரணம் அவற்றை அதிக எண்ணிக்கையில் உருவாக்கம் செய்ய முடியாதது மட்டுமே. Bitcoin உருவாக்கத்திற்கான உச்சபட்ச அளவு 21 மில்லியன் என்பதாக உள்ளது. தற்போது வரை கிட்டத்தட்ட 20 மில்லியன் Bitcoin கள் அகழ்வு (mining) செய்யப்பட...

பங்குச் சலிப்பான்- ஒரு புதிய பார்வை

May 30, 2026

பங்குச் சலிப்பான்- ஒரு புதிய பார்வை Stock Screen- A New Perspective நிறுவனப்பங்குகளை சில குறிப்பிட்ட அளவுருக்களில் (parameters) தேர்ந்தெடுத்துக் கொடுப்பவை பங்குச் சலிப்பான்கள் (stock screens) என்று அழைக்கப்படுகின்றன. சலிப்பான்களில் இரண்டு வகைகள் இருக்கின்றன. ஒன்று, பங்குகளை எண் சார் காரணிகளைக் கொண்டு எடுத்துக் கொடுக்கும் Quantitative Screen. மற்றொன்று அவற்றைப் பண்பு சார் காரணிகளைக் கொண்டு எடுத்துக் கொடுக்கும் Qualitative Screen. பங்குச் சலிப்பான்களை மிகவும் இறுக்கமாக (rigid) கட்டமைக்கக் கூடாது. அவற்றை நெகிழ்வாகவும் (loose) அமைக்கக் கூடாது. ரொம்பவும் இறுக்கமாகச் சலிப்பான்களை வைத்திருந்தால் எந்தப் பங்கும் அதில் தேறி வராது. ரொம்பவும் நெகிழ்வாக வைத்திருந்தால் எல்லாப் பங்கும் ஏறி வந்து விடும். பங்குச்சந்தை ஒரு சிக்கலான அமைப்பு. அதில் பங்குகளை தின அளவில் வாங்கி விற்கும் வணிகர்கள் ஒருபுறம் செயல்பட்டுக் கொண்டிருப்பார்கள். மறுபுறம் நீண்ட கால முதலீட்டாளர்கள். இவர்களுக்கிடையே குறுகிய கால முதலீட்டாளர்கள். ஒரு பக்கம் தொழில் நுட்பப் பகுப்பாளர்கள். இது போக பங்குகளை விற்று வாங்க...

அதிர்ஷ்ட மொழிகளும் அதற்கான விளக்கங்களும்- 1

May 23, 2026

அதிர்ஷ்ட மொழிகளும் அதற்கான விளக்கங்களும்- 1 1. No one is luckier than the person who believes in his luck- German proverb அதிர்ஷ்டத்தை நம்புகிறவரே மிகப்பெரிய அதிர்ஷ்டக்காரர். எதன் மேலும் நம்பிக்கை கொள்பவருக்குத் தான் வாழ்க்கை இருக்கிறது. அது கடவுளாக இருக்கட்டும் அல்லது அதிர்ஷ்டமாக இருக்கட்டும், நம்பிக்கை தான் அடுத்தடுத்த கதவுகளைத் திறக்கிறது. பங்குச்சந்தையைப் பொறுத்தவரை எதிர்காலத்தின் மீதான நம்பிக்கை மிகுந்த முக்கியத்துவம் வாய்ந்த ஒன்று. உலகின் எல்லாக் கண்டுபிடிப்புக்களும் ஏற்கெனவே கண்டுபிடிக்கப்பட்டு விட்டன என்ற வாதம் உங்களை எங்கும் கொண்டு சேர்க்காது. பங்குச்சந்தை முதலீடு என்பது மனிதத்தின் கூர்மதியில் (Human Ingenuity) செய்யப்படும் முதலீடு. மனிதத்தின் கூர்மதிக்கு எல்லைகள் என்பதாக எதுவும் கிடையாது. பங்குச்சந்தையைப் பொறுத்தவரை நன்னம்பிக்கை (Optimism) மற்றும் அவநம்பிக்கை (Pessimism) என்ற இரு துருவங்களின் சேர்க்கையான புன்னகையுடனான அவநம்பிக்கை (Sunny Pessimism) என்ற எதிரெதிர் சிந்தனையில் (opposable mind) இயங்குவது இன்னும் சிறப்பு. 2. I am a great believer in luck and I find the harder...

Lao Tzu- மணி மொழிகள்

May 16, 2026

Lao Tzu- மணி மொழிகள் Lao Tzu Quotes 1. Knowledge is a treasure, but practice is the key to it. அறிவு ஒரு பொக்கிஷம், பயிற்சியே அதற்கான திறவுகோல். 2. New Beginnings are often disguised as painful endings. புதிய தொடக்கங்கள் பெரும்பாலும் வேதனையான முடிவுகளின் வடிவத்திலேயே வருகின்றன. 3. The flame that burns twice as bright burns half as long. இரண்டு மடங்கு பிரகாசமாக எரியும் சுடர், பாதி காலமே ஒளி தரும். 4. Perfection is the willingness to be imperfect. முழுமையற்றதை ஏற்றுக்கொள்வதே முழுமைக்கான வழி. 5. A good traveler has no fixed plans, and is not intent on arriving. ஒரு சிறந்த பயணிக்கு நிலையான திட்டங்கள் இருப்பதில்லை, ஓரிடத்தைச் சென்றடைய வேண்டும் என்ற நோக்கமும் இருப்பதில்லை. 6. He who knows that enough is enough will always have enough. எது போதும் என்பதை அறிந்தவனுக்கு, எப்போதுமே எல்லாமே போதுமானதாக இருக்கும். 7. If you are depressed, you are living in the past. If you are anxious, you are in the future. If you are at peace, you are living in the present. நீங்கள் மனச்சோர்வில் இருந்தால், கடந...

இயல்பு நிலை சாய்வு

May 09, 2026

இயல்பு நிலை சாய்வு Status quo Bias இயல்பு நிலை சாய்வு என்பது ஏற்கெனவே உள்ள நிலைமைகளைப் பேணுதல், இந்த நிலைமைகளை மாற்றத்திற்கு உட்படுத்தினால் அது அனுகூலங்களுக்கு இட்டுச்செல்லும் என்று தெரிந்தும் பழைய நிலைமைகளையே தொடர்வதான ஒரு மனோநிலையாகும். பிதுரார்ஜித வடிவில் உங்களுக்குப் பாட்டனாரின் ஒரு பங்குத்தொகுப்பு கிடைப்பதாகக் கொள்ளலாம். அவர் காலத்தில் வாங்கப்பட்ட பங்குகளைக் கொண்டு அது கட்டப்பட்டுள்ளது தெளிவு. அது உங்கள் கைக்குக் கிடைத்ததும் நீங்கள் அந்தப் பங்குத்தொகுப்பைப் பகுப்பாய்வுக்கு உட்படுத்தி இனி தேறவே தேறாது என்பதான பங்குகளைக் களையெடுப்பது, மதில் மேல் பூனையாக இருக்கும் பங்குகளைக் கண்காணிப்புக்கு உட்படுத்துவது மற்றும் புதிய பங்குகளை மதிப்பாய்வு செய்து வாங்குவது போன்ற செயல்களில் ஈடுபட வேண்டும். மாறாக, காலத்தின் கோலத்தில் உருமாறிய அவற்றை இவை எங்கள் பாட்டனார் வாங்கிய பங்கு என்று உணர்வுபூர்வமாக வைத்திருப்பது, இத்தகைய பங்குகளை விற்பது, வரி வகையறாக்களுக்கு இட்டுச்செல்லும் என்று அவற்றின் விற்பனையை ஒத்திப்போடுவது போன்றவை இயல்பு நிலை சாய்வின் பாற்பட்டதாகும். பங்குச்சந்தை குறித்த ஒரு புரி...