பங்குதமிழ்

உராய்வுச் செலவுகள் (Frictional Costs) ஒருவர் 10 இலட்சம் முதலீடு செய்து வியாபாரம் ஒன்றைச் செய்வதாகக் கொள்ளலாம் . அது எந்த வியாபாரமாக இருந்தாலும் சரி , அதற்கென்று சில தனிப்பட்ட உராய்வுச் செலவுகள் இருக்கும் . அது பொருளாக இருக்கும் பட்சத்தில் அதனை உங்கள் வியாபார ஸ்தலத்திற்கு கொண்டு வருவதற்கான செலவு மற்றும் அதனைக் கெடாமல் பாதுகாத்து வைப்பதற்கான செலவு போன்றவை உராய்வுச் செலவுகள் என்பதாக அழைக்கப்படுகிறது . ஒரு தேர்ந்த வியாபாரி என்ன செய்வார் ? கூடிய மட்டும் இந்த உராய்வுச் செலவுகளைக் குறைப்பதில் தான் அவருடைய முழு கவனமும் இருக்கும் . பங்குச் சந்தைக்கு வருவோம் . சிறுகச் சிறுக பங்குகளின் ஒரு தொகுப்பைக் கட்டுகிறீர்கள் . அந்த வியாபாரியைப் போல் உங்கள் முழு கவனமும் உராய்வுச் செலவுகளைக் குறைப்பதில் தான் குடி கொண்டிருக்க வேண்டும் . சரி , பங்குச்சந்தையைப் பொறுத்தவரை என்னென்ன உராய்வுச் செலவுகள் இருக்கின்றன என்று பார்க்கலாம் . முதலாவது மற்றும் முக்கியமானது தரகர் தரகு . நீங்கள் தின அடிப்படையில் பங்குகளை வாங்குவதும் விற்பதுமாக இருந்தால் தரகர் தரகு எகிறி விடும் . இரண்டாவதாக bid - ask spread . அதாவது பங்...

பங்குச்சந்தை சூதாட்டக்களமா ? அல்ல , அது சொத்து உருவாக்கும் களம் . பங்குச்சந்தையில் பெரும்பான்மையான வர்த்தகங்கள் தின மற்றும் குறுகிய கால அளவுகளில் பங்குகளின் ஏற்ற இறக்கங்களைப் பணமாக்கம் செய்யும் விதமாக சூதாடும் ஒரு தன்மையுடன் இருப்பதென்னவோ உண்மை தான் . பெரும்பாலோனோர் இவ்வாறு செய்வதால் நாம் பங்குச்சந்தையை ஒரு சூதாட்டம் என்று ஒட்டு மொத்தமாகப் புறந்தள்ளக்கூடாது . பங்குச்சந்தையின் தலையாய பலன்களாக முதல் உருவாக்கம் (Capital Formation) மெய்நிகர் பணம் (Virtual Money) மற்றும் நீர்மை நிறைத்தன்மை (Liquidity) போன்றவற்றைக் குறிப்பிடலாம் . இவற்றைப் பார்ப்பதற்கு முன்னர் பொதுவாக வெவ்வேறு சந்தைகளில் நடைபெற்று வரும் சூதாட்டம் குறித்துக் கொஞ்சம் பார்க்கலாம் . வீடு மற்றும் நிலம் : பங்கு முதலீடுகளுடன் ஒப்பிடும் போது வீடு மற்றும் நில முதலீடுகள் நீண்ட கால அளவிலும் ஒரு நிலைத்தன்மையுடனும் இருப்பது கண்கூடு . பங்கு விலைகள் அன்றாடம் வெளியாவது மாதிரி வீடு மற்றும் நிலங்களின் விலைகள் தின அளவில் வெளி வருவதில்லை . யாராவது வீடு போன்ற சொத்துக்களை எப்போதாவது விற்கும் போது மட்டும் ஒரு ஆர்வம் என்ற அளவில் என்ன விலைக்குப் ...

எளிமை மொழிகள் 1. Simplicity is the ultimate sophistication - Leonardo da Vinci எளிமையே இறுதியான அதி நுட்பம் . 2. Life is very simple, but we insist on making it complicated - Confucius வாழ்க்கை மிக எளிமையானது . நாம் தான் அதை சிக்கலாக்குகிறோம் . 3. Simplicity is the art of thoughtful reduction - Gautam Baid எளிமை என்பது சிந்தித்துக் குறைப்பதான ஒரு கலையாகும் . 4. If you can't explain it simple, you don't understand it well enough - Albert Einstein உங்களால் ஒன்றை எளிமையாக விளக்க இயலவில்லை என்றால் அதனை நீங்கள் இன்னும் சரியாகப் புரிந்து கொள்ளவில்லை என்று அர்த்தம் . 5. The difference between successful people and very successful people is that very successful people say no to almost everything - Warren Buffett வெற்றிகரமான மனிதர்களுக்கும் மிக வெற்றிகரமான மனிதர்களுக்கும் உள்ள வித்தியாசம் என்னவென்றால் மிக வெற்றிகரமான மனிதர்கள் நிறைய விஷயங்களுக்கு வேண்டாம் என்று சொல்லி விடுவார்கள் . 6. It is very simple to be happy, but it is very difficult to be simple - Tagore மகிழ்ச்சியா...

பங்குச்சந்தை பதில்கள் - 4  கேள்வி : எதிர்காலத்தில் ஒரு கோடி நிகர சொத்து மதிப்பு கூட சராசரியான வாழ்க்கை ஒன்றை வாழ்வதற்குப் போதுமானதாக இருக்காது என்பது உண்மையா ? பதில் : உண்மை . காரணம் பணவீக்கம் . கேள்வி : நிதி விடுதலை ? பதில் : நேர விடுதலை ! கேள்வி : சந்தையில் காளையும் கரடியும் ஏன் மாறி மாறி வருகின்றன ? பதில் : Stability leads to instability . நிலைத்தன்மை நிலையில்லாத தன்மைக்கு இட்டுச் செல்வதாக இருக்கும் . கேள்வி : பங்காதாயங்களுக்கு வரி உண்டா ? பதில் : உங்களிடம் இருக்கும் அனைத்துப் பங்குகளின் மூலமாக , மொத்தமாக நீங்கள் வருமான வரியின்றி வருடத்திற்கு 5000 ரூபாய் வரை பெறலாம் . அதற்கு மேற்பட்ட பங்காதாய வருமானத்திற்கு நீங்கள் இருக்கும் வருமான வரி படிநிலை (Income Tax Slab) யின் படி வரி உண்டு . இந்த இடத்தில் ஒன்றைச் சொல்லி வைக்கிறேன் . முதலீட்டுத் திட்டங்களில் வரிகளைக் கவனத்தில் கொள்வது தவறில்லை . ஆனால் வரிகளைத் தவிர்க்கும் பொருட்டு முதலீட்டுத் திட்டங்களைக் கட்டமைக்காதீர்கள் . கேள்வி : மென் சொத்துக்கள் என்றால் என்ன ? பதில் : தாமதமான மனநிறைவு , நீடிப்புத்திறன் , பொறுமை , வாசிக்...

நிலை நிறுத்தச் சாய்வு Anchoring Bias நடத்தை நிதியியலின் (Behavioural Finance) இன்னொரு அங்கமான நிலை நிறுத்தச் சாய்வு குறித்து சற்றே பார்க்கலாம் . ஒரு நிறுவனப்பங்கை அடிப்படைப் பகுப்பாய்வு செய்து மதிப்பு முதலீடாக 100 ரூபாய்க்கு வாங்குகிறீர்கள் என்று வைத்துக் கொள்வோம் . அதன் உள்ளார்ந்த மதிப்பு (Intrinsic Value) உங்கள் கணக்கீட்டின்படி 150 ரூபாய் . நிறுவனத்திற்கு ஒரு நிரந்தரமான பின்னடைவு ஏற்பட்டு விடுகிறது . பங்கின் விலையும் பாதி ஆவியாகி 50 ரூபாய்க்கு வந்து விடுகிறது .  இப்போது அதன் உள்ளார்ந்த மதிப்பு 50 ரூபாய்க்கும் கீழாகச் சென்று விட்டது . நீங்கள் அந்தப் பங்கை 50 ரூபாய்க்கு விற்று விட்டு வெளியேறி விடுவது தான் ஒரு அறிவார்ந்த செயலாக இருக்க முடியும் . மாறாக பங்கின் விலை 100 ரூபாய்க்கு வந்த பின்பு விற்று விடலாம் என்று நினைத்துக் காத்திருந்தால் நீங்கள் நிலைநிறுத்தச் சாய்விற்கு உள்ளாகியிருப்பதாக அர்த்தம் . நிறுவனம்  தற்காலிகமான ஒரு பின்னடைவிற்கு உள்ளாகியிருந்தால் 50 ரூபாய்க்கு அந்தப் பங்குகளை மேலும் வாங்குவது தான் ஒரு சரியான முடிவாக இருக்க முடியும் . ஆனால் நிரந்தரமான பின்னடைவு என்றால் வ...

பாப்லோ பிக்காசோ பொன்மொழிகள் Pablo Picasso Quotes 1. It is your work in life that is the ultimate seduction . வாழ்வாங்கு வாழ்வதான உங்கள் வாழ்க்கை முறையே கடைமுடிவான மயக்கமாகும் . 2. Art is the elimination of the unnecessary . அவசியமற்றதைக் களைவதே கலை . 3. Action is the foundational key to all success . செயல்பாடு என்பதே எல்லா வெற்றிகளுக்குமான ஒரே திறவுகோல் . 4. All children are artists . The problem is how to remain an artist once he grows up . எல்லாக் குழந்தைகளும் கலைஞர்களே . வளர்ந்த பின்னர் அவர்கள் கலைஞர்களாக இல்லாதது தான் பிரச்னை . 5. Every act of creation is first an act of destruction . ஒவ்வொரு ஆக்கத்தின் தொடக்கமும் ஒரு அழிவின் தொடக்கமே . 6. I paint objects as I think them , not as I see them . நான் பொருட்களைப் பார்த்து வரைவதில்லை . நான் பொருட்களைக் குறித்து எதனைச் சிந்திக்கிறேனோ அதனையே வரைகிறேன் . 7. Every positive value has its price in negative terms ... The genius of Einstein leads to Hiroshima . ஒவ்வொரு நேர்ம மதிப்பும் ஒரு எதிர்ம மதிப்பைத் தன்னகத்தே கொண்டுள்ளது .....

ஆத்தும குணம் - 2 (Basic Instinct - 2) [ இந்தக் கதையைத் தனியாகப் படித்தாலும் புரியும் . ஆனால் இது  ஆத்தும குணம் -1  ன்    தொடர்ச்சி . ஆத்தும குணம் - 1 ஐ படித்து விட்டு இதைப் படித்தால் சுவை பெருகும் ] ராஜா ராமன் ஒரு பங்குச்சந்தை ஊக வணிகன் . அவன் சந்தையில் தினசரி வணிகம் , குறுகிய கால வணிகம் , முதல் பொது வெளியீட்டில் பங்குகளைப் பெற்று பட்டியல் விலைக்கு விற்பது , பங்குகளை விற்று வாங்குவது மற்றும் F & O என்று அழைக்கப்படும் பெறுதிகள் என்று பலவற்றையும் செய்து வந்தான் . பணக் கொள்முதல் என்பதை விட புத்திக் கொள்முதல் ஏராளம் சம்பாதித்திருக்கிறான் . ஆனால் ராஜா ராமனுக்கு வரவர சந்தை சலிப்பை ஏற்படுத்துவதாக இருந்தது . அவன் சந்தைக்கு வந்து பத்து ஆண்டுகள் ஆகியிருக்கும் . ஆனால் இருபது ஆண்டுகள் ஆன மாதிரி ஒரு சோர்வு ... அவன் நண்பர் ஒருவர் மதிப்பு முதலீட்டாளர் . அவர் வெகு காலத்திற்கு முன்னர் கொடுத்த The Intelligent Investor புத்தகத்தைப் புரட்டிக் கொண்டிருந்தான் . எத்தனை முறை படித்தும் அதன் முதல் பத்து பக்கங்களுக்கு மேல் தாண்ட முடியவில்லை . எப்படி சந்தை ஊக வணிகங்கள் சறுக்குகிறதோ அது மாதி...