பங்குச்சந்தை பதில்கள் - 13

பங்குச்சந்தை பதில்கள் - 13


கேள்வி : பங்குச்சந்தை சரிவு , முதலீட்டாளர் பணம் இலட்சம் கோடி மாயம் என்று பத்திரிகை செய்தியைப் படிக்கும் போது உங்களை நினைத்துக் கொள்வேன் ?


பதில் : பங்குச்சந்தை உயர்வு , முதலீட்டாளர் பணம் இத்தனை கோடி வரவு என்று பத்திரிகை செய்தியைப் படிக்கும் போதும் என்னை நினைத்துக் கொள்ள வேண்டுகிறேன் .


கேள்வி : பரஸ்பர நிதி SIP க்களுக்கான பணத்தை முன்னதாகச் செலுத்தலாமா ?


பதில் : வழி முறைகளில் களி கொள்ளுங்கள் .


கேள்வி : பங்கு வியாபாரத்தில் இறங்குவதற்கு முன்னரான பாவனை வியாபாரம் (paper trading) சிறந்த ஒரு உத்தி தானா ?


பதில் : காகிதக் காளைகள் ஒருபோதும் காங்கேயம் காளைகள் ஆக முடியாது . 


கேள்வி : ஏமாற்று முதலீட்டுத் திட்டங்களை எப்படிக் கண்டறிவது ?


பதில் : அபாயமும் வெகுமதியும் எப்போதும் நேர் கோட்டில் இணைந்திருக்கும் . அபாயம் அதிகரிக்க அதிகரிக்க வெகுமதியும் அதிகரிக்கும் . யாராவது அபாயமே இல்லாத வெகுமதி முதலீடுகள் என்று மாற்றிச் சொன்னால் அது ஏமாற்றுத் திட்டம் என்று அறிந்து கொள்ளுங்கள் . அத்தகையவர்களைக் கண்டால் அருகாமை சந்துகளில் ஓடி ஒளிந்து கொள்ளுங்கள் .


கேள்வி : பயிற்சியே தேவைப்படாத துறை ஏதேனும் இருக்கிறதா ?


பதில் : இருக்கிறதே ? பங்குச்சந்தை முதலீடுகள் ?!


கேள்வி : கொந்தளிப்பான பங்குச்சந்தையில் பணம் பண்ணுவது எப்படி ?


பதில் : நீங்கள் கொந்தளிப்பாகாமல் இருப்பதன் மூலமாக .


கேள்வி : பங்குச்சந்தை ஏறி இறங்கிய வண்ணமாகவே இருக்கிறது . கடன் சந்தை ஒரே சீராக உள்ளது . நிலையற்ற பங்குச்சந்தையில் முதலீடு செய்வதை விட நிலையான கடன் சந்தையில் முதலீடு செய்வது தானே சிறந்தது ?


பதில் : நிலையான சந்தை நிலையற்றது . நிலையற்ற சந்தை நிலையானது .


கேள்வி : பிட் காயின் முதலீட்டில் எனக்கு நஷ்டமாகி விட்டது . அதை மீட்டெடுக்க ஏதேனும் வழிவகைகள் உள்ளதா ?


பதில் : குழிக்குள் விழுந்த பிறகு நீங்கள் செய்ய வேண்டியது அந்தக் குழியை இன்னும் ஆழமாகத் தோண்டாமல் இருப்பது .


கேள்வி : சந்தை சரிவதற்கு முன்னர் பங்குகளை விற்று வைப்பது அறிவார்ந்த ஒரு செயல் தானே ?


பதில் : நிச்சயமாக . ஆனால் சந்தை சரியப் போவதை யாரும் முன்னதாக அறிந்து கொள்ள முடியாதே ? அதே மாதிரி அது உயரப் போவதையும் முன்னதாகத் தெரிந்து கொள்ள முடியாது .


கேள்வி : F & O மூலமான நஷ்டங்களைத் தவிர்ப்பது எப்படி ?


பதில் : ரொம்பவும் சுலபம் . அவற்றில் எந்த நிலைப்பாட்டையும் எடுக்காதீர்கள் .

Comments

Post a Comment

Popular posts from this blog

பங்காதாயம் - பாடப்படாத ஒரு பாடல்

பங்காதாயம் - பாடப்படாத ஒரு பாடல் பாட்டியும் பேத்தியும் உரையாடிக் கொண்டிருக்கிறார்கள். பேத்தி, கடந்த வருடப் பங்குச்சந்தை அவளை நட்டாற்றில் விட்டதாகப் புலம்புகிறாள். பாட்டி, கடந்த வருடப் பங்குச்சந்தை மிகச் சிறப்பாக இருந்ததாகவும், பங்காதாயம், அதற்கு முந்தைய வருடத்தை விடக் கூடுதலாகக் கிடைத்ததாகவும் கூறுகிறாள். யார் சொல்வது சரி? அவரவர் கோணத்தில் இருவர் சொல்வதும் சரி தான். ஆனால், பங்குச்சந்தையைச் சரியான கோணத்தில் பார்ப்பது மிகவும் முக்கியம். அந்த வகையில் பாட்டியின் கருத்து தான் சரி.  பங்கு முதலீட்டில் இரண்டு விதங்களில் வருமானம் கிடைக்கிறது. ஒன்று, முதலீட்டுப்பெருக்கம் (capital appreciation)  இரண்டு, பங்காதாயம் (dividend) இதில் முதலீட்டுப் பெருக்கத்தைத் தான் நம்மவர்கள் முக்கியத்துவம் வாய்ந்ததாகக் கருதுகின்றனர். இன்ன விலைக்கு வாங்கினேன், இன்ன விலைக்கு விற்றேன், இவ்வளவு இலாபம் என்பதாகத் தான் அவர்களின் எண்ணக்கணக்கு இருக்கும். பங்காதாயத்தைப் பற்றிய பேச்சே இருக்காது. மேலும், பங்காதாயம் பங்குகளின் முக மதிப்பிற்கு வழங்கப்படுவதால் மிகவும் குறைவாக இருக்கும். ஒரு சின்ன உதாரணம். HDFC நிறுவனப் பங...
Read more

அருமைப்பாடு சாய்வு

அருமைப்பாடு சாய்வு Scarcity Bias சாதாரண பொருட்களுக்கு அசாதாரணமான காலங்களில் ஏற்படும் செயற்கையான தட்டுப்பாடு அருமைப்பாடு சாய்வு (Scarcity Bias) என்பதாக அழைக்கப்படுகிறது . கோவிட் 19 நோய்த் தொற்றின் போது முகக் கவசத்திற்கான தேவைப்பாடு (demand) மீமிகைப் பெருக்கத்திற்கு உள்ளானது . ஆனால் அளிப்பு (supply) குறைவாக இருந்தது . விளைவாக அதன் விலை நாளும் அதிகரித்த வண்ணம் இருந்தது . இதில் முக்கியமாகக் கவனிக்க வேண்டியது முகக்கவசம் கிடைத்தற்கரிய பொருள் ஒன்றும் அல்ல . அந்தக் காலகட்டத்தில் அதற்கான தேவை அதிகமாக இருந்தது . Panic buying என்ற அடிப்படையில் மக்களும் முகக் கவசத்தினைப் போட்டி போட்டு வாங்கி அதற்கான அருமைப்பாட்டை உயர்த்திய வண்ணம் இருந்தனர் .  சில பருவங்களில் சில காய்கனிகள் விளையாது . அல்லது வரத்து குறைவாக இருக்கும் . அப்போது அவற்றின் விலைகள் அருமைப்பாடு சாய்வுக்கு உள்ளாகும் . உழவர் சந்தையில் ஒரேயொருவரிடம் தான் முருங்கைக்காய் இருக்கிறதென்றால் அவர் வைத்தது தான் விலை . நிறுவனங்கள் செயற்கையாக ஒரு பொருளுக்கு அல்லது சேவைக்கான அருமைப்பாட்டை உயர்த்தும் செயல்களில் ஈடுபடும் . இன்றே கடைசி , முதலில் வருபவ...
Read more

பங்குச்சந்தை பதில்கள் - 14

ப ங்குச்சந்தை பதில்கள் - 14 கேள்வி : கும்பமேளா காலங்களில் சந்தை சரிவது குறித்து ? பதில் : கலைந்து செல்லும் மேகங்களில் உருவங்களைப் பார்க்கும் விளையாட்டு . கேள்வி : Efficient Market Hypothesis என்பதை ஒரே வரியில் விளக்க முடியுமா ? பதில் : பங்கின் விலை = பங்கின் மதிப்பு  கேள்வி : சந்தை அடிக்கடி சரிவுடன் நிறைவடைவதைக் கவனித்தீரா ? பதில் : சரிவே நிறைவு ! கேள்வி : புதிய Demat கணக்குகளின் எண்ணிக்கை வரலாற்று உச்சத்தை எட்டியிருப்பது குறித்து ? பதில் : காளைச்சந்தை , Demat கணக்குகளின் எண்ணிக்கையை வரலாற்று உச்சத்திற்குக் கொண்டு சென்றிருக்கிறது . கரடிச்சந்தையில் என்ன ஆகிறது என்று பார்க்க வேண்டும் . கேள்வி : பன்மடங்காளராகட்டும் என்று பங்கு ஒன்றை வைத்திருந்தேன் . இரு மடங்காளராகிய பங்கு இப்போது பாதி குறைந்து ஒரு மடங்காளர் ஆகி விட்டது . சற்று 'ஙே' என்பதாக உணர்கிறேன் ? பதில் : நீண்ட காலத்தில் 'ஓஹோ' என்றுணர இந்தக் குறுகிய கால 'ஙே'க்களைச் சகித்துக் கொண்டு தான் ஆகவேண்டும் . கேள்வி : அடுத்த ஓராண்டில் 200 சதவீத வருமானத்தைத் தரும் பங்கு எதுவென்று சொல்ல முடியுமா ? பதில் : கேட்பது த...
Read more