சராசரியை நோக்கிய பின்னடைவு

சராசரியை நோக்கிய பின்னடைவு

Reversion to the Mean

குடும்ப மருத்துவர் கொடுக்கும் மருந்துகள் முன்பு மாதிரி செயலூக்கமாக இல்லை என்பதாக ஒரு பேச்சு எழுந்தது. சராசரியை நோக்கிய பின்னடைவு என்ற கோட்பாடு ஞாபகத்திற்கு வந்தது. 

சராசரியை நோக்கிய பின்னடைவு என்பது புவியீர்ப்பு விசை மாதிரி. பங்குச்சந்தையில் ஒரு சில பங்குகள் அபரிமிதமான மதிப்பீட்டில் வர்த்தமாகிக் கொண்டிருக்கும். ஒரு வருடத்திற்கான இலாபம் 70 சதவீதம் என்றெல்லாம் இருக்கும். நாட்கள் செல்லச்செல்ல சராசரியை நோக்கிய பின்னடைவு என்ற அடிப்படையில் பங்குகளின் சராசரி இலாபமான 25 என்ற அளவிற்கு இறங்கி விடும்.            பரஸ்பர நிதிகளும் இதே மாதிரி தான். நீண்ட கால அடிப்படையில் 20 சதவீதம் இலாபம் வந்தாலே அதிகம்.

பங்குகளாக இருந்தாலும் சரி அல்லது கடன் பத்திரம், தங்கம், நிலம் எதுவாக இருந்தாலும் சரி நீண்ட காலத்தில் என்ன இலாபம் கொடுத்திருக்கிறது என்று கணக்கிடுவது தான் சரியான அளவீடாக இருக்க முடியும். 

எங்கள் தாத்தா 1960களில் இவ்வளவு நிலம் வாங்கினார், அதன் மதிப்பு இவ்வளவு கோடி என்று யாராவது சொன்னால் compounded annualised growth rate போட்டுப் பாருங்கள்.

பங்குச்சந்தையில் மட்டுமல்ல மனித உறவுகளிலும் சராசரியை நோக்கிய பின்னடைவு உண்டு. மோகம் முப்பது நாள் ஆசை அறுபது நாள் என்று சொல்லக் கேள்விப்பட்டிருப்பீர்கள். நாட்கள் செல்லச்செல்ல மனைவியுடன் (அல்லது கணவனுடன்) அடிக்கடி சண்டை சச்சரவு வருகிறதா? சராசரியை நோக்கிய பின்னடைவு செயல்படத் தொடங்கி விட்டதாக அர்த்தம்.

சராசரியை நோக்கிய முன்னடைவும் உண்டு. உலக வர்த்தக மையம் தகர்க்கப்பட்ட போது உலகெங்கிலும் உள்ள பங்குச்சந்தைகள் தலைகுப்புற விழுந்தன. பங்கு விலைகள் அடிமாட்டு விலைக்குச் சரிந்தன. இயல்புநிலை திரும்பியவுடன் பங்குச்சந்தைகள் மீண்டு எழத்தொடங்குவது சராசரியை நோக்கிய முன்னடைவு.

குடும்ப உறவுகளிலும் சராசரியை நோக்கிய முன்னடைவு வேண்டுமென்றால் உங்கள் மனைவியை ஒரு மாதம் பிரிந்திருந்து பாருங்கள்.

இவ்விதமாக சராசரியை நோக்கிய பின்னடைவு/ முன்னடைவு சொத்துக்களின்/ உறவுகளின் மதிப்பீட்டில் ஒரு முக்கியப்பங்கை வகிக்கிறது.

Comments

Post a Comment

Popular posts from this blog

பங்காதாயம் - பாடப்படாத ஒரு பாடல்

பங்காதாயம் - பாடப்படாத ஒரு பாடல் பாட்டியும் பேத்தியும் உரையாடிக் கொண்டிருக்கிறார்கள். பேத்தி, கடந்த வருடப் பங்குச்சந்தை அவளை நட்டாற்றில் விட்டதாகப் புலம்புகிறாள். பாட்டி, கடந்த வருடப் பங்குச்சந்தை மிகச் சிறப்பாக இருந்ததாகவும், பங்காதாயம், அதற்கு முந்தைய வருடத்தை விடக் கூடுதலாகக் கிடைத்ததாகவும் கூறுகிறாள். யார் சொல்வது சரி? அவரவர் கோணத்தில் இருவர் சொல்வதும் சரி தான். ஆனால், பங்குச்சந்தையைச் சரியான கோணத்தில் பார்ப்பது மிகவும் முக்கியம். அந்த வகையில் பாட்டியின் கருத்து தான் சரி.  பங்கு முதலீட்டில் இரண்டு விதங்களில் வருமானம் கிடைக்கிறது. ஒன்று, முதலீட்டுப்பெருக்கம் (capital appreciation)  இரண்டு, பங்காதாயம் (dividend) இதில் முதலீட்டுப் பெருக்கத்தைத் தான் நம்மவர்கள் முக்கியத்துவம் வாய்ந்ததாகக் கருதுகின்றனர். இன்ன விலைக்கு வாங்கினேன், இன்ன விலைக்கு விற்றேன், இவ்வளவு இலாபம் என்பதாகத் தான் அவர்களின் எண்ணக்கணக்கு இருக்கும். பங்காதாயத்தைப் பற்றிய பேச்சே இருக்காது. மேலும், பங்காதாயம் பங்குகளின் முக மதிப்பிற்கு வழங்கப்படுவதால் மிகவும் குறைவாக இருக்கும். ஒரு சின்ன உதாரணம். HDFC நிறுவனப் பங...
Read more

அருமைப்பாடு சாய்வு

அருமைப்பாடு சாய்வு Scarcity Bias சாதாரண பொருட்களுக்கு அசாதாரணமான காலங்களில் ஏற்படும் செயற்கையான தட்டுப்பாடு அருமைப்பாடு சாய்வு (Scarcity Bias) என்பதாக அழைக்கப்படுகிறது . கோவிட் 19 நோய்த் தொற்றின் போது முகக் கவசத்திற்கான தேவைப்பாடு (demand) மீமிகைப் பெருக்கத்திற்கு உள்ளானது . ஆனால் அளிப்பு (supply) குறைவாக இருந்தது . விளைவாக அதன் விலை நாளும் அதிகரித்த வண்ணம் இருந்தது . இதில் முக்கியமாகக் கவனிக்க வேண்டியது முகக்கவசம் கிடைத்தற்கரிய பொருள் ஒன்றும் அல்ல . அந்தக் காலகட்டத்தில் அதற்கான தேவை அதிகமாக இருந்தது . Panic buying என்ற அடிப்படையில் மக்களும் முகக் கவசத்தினைப் போட்டி போட்டு வாங்கி அதற்கான அருமைப்பாட்டை உயர்த்திய வண்ணம் இருந்தனர் .  சில பருவங்களில் சில காய்கனிகள் விளையாது . அல்லது வரத்து குறைவாக இருக்கும் . அப்போது அவற்றின் விலைகள் அருமைப்பாடு சாய்வுக்கு உள்ளாகும் . உழவர் சந்தையில் ஒரேயொருவரிடம் தான் முருங்கைக்காய் இருக்கிறதென்றால் அவர் வைத்தது தான் விலை . நிறுவனங்கள் செயற்கையாக ஒரு பொருளுக்கு அல்லது சேவைக்கான அருமைப்பாட்டை உயர்த்தும் செயல்களில் ஈடுபடும் . இன்றே கடைசி , முதலில் வருபவ...
Read more

பங்குச்சந்தை பதில்கள் - 14

ப ங்குச்சந்தை பதில்கள் - 14 கேள்வி : கும்பமேளா காலங்களில் சந்தை சரிவது குறித்து ? பதில் : கலைந்து செல்லும் மேகங்களில் உருவங்களைப் பார்க்கும் விளையாட்டு . கேள்வி : Efficient Market Hypothesis என்பதை ஒரே வரியில் விளக்க முடியுமா ? பதில் : பங்கின் விலை = பங்கின் மதிப்பு  கேள்வி : சந்தை அடிக்கடி சரிவுடன் நிறைவடைவதைக் கவனித்தீரா ? பதில் : சரிவே நிறைவு ! கேள்வி : புதிய Demat கணக்குகளின் எண்ணிக்கை வரலாற்று உச்சத்தை எட்டியிருப்பது குறித்து ? பதில் : காளைச்சந்தை , Demat கணக்குகளின் எண்ணிக்கையை வரலாற்று உச்சத்திற்குக் கொண்டு சென்றிருக்கிறது . கரடிச்சந்தையில் என்ன ஆகிறது என்று பார்க்க வேண்டும் . கேள்வி : பன்மடங்காளராகட்டும் என்று பங்கு ஒன்றை வைத்திருந்தேன் . இரு மடங்காளராகிய பங்கு இப்போது பாதி குறைந்து ஒரு மடங்காளர் ஆகி விட்டது . சற்று 'ஙே' என்பதாக உணர்கிறேன் ? பதில் : நீண்ட காலத்தில் 'ஓஹோ' என்றுணர இந்தக் குறுகிய கால 'ஙே'க்களைச் சகித்துக் கொண்டு தான் ஆகவேண்டும் . கேள்வி : அடுத்த ஓராண்டில் 200 சதவீத வருமானத்தைத் தரும் பங்கு எதுவென்று சொல்ல முடியுமா ? பதில் : கேட்பது த...
Read more