மூழ்கு செலவு மாயை

மூழ்கு செலவு மாயை

Sunk cost fallacy

தள்ளுபடி போக 7000 ரூபாய்க்கு புதிய மிக்ஸி ஒன்றை மனைவி வாங்கியிருந்தார் . அந்த மாடல் மிக்ஸியை வாங்கியதற்கான முக்கியமான காரணம் அதன் சிறிய ஜாடி . அடிக்கடி குறைந்த அளவில் உணவுப் பொருட்களை அரைக்க வேண்டிய ஒரு சூழ்நிலை . அதன் பொருட்டு சிறிய அளவுகளில் அரைக்கும் மிக்ஸியை வாங்கியாகி விட்டது .

அந்த சிறிய ஜாடியைத் தலைகீழாகப் போட்டு அரைக்கும் வகையில் அந்த மிக்ஸி வடிவமைக்கப்பட்டிருந்தது . ஒவ்வொரு முறை அரைக்கும் போதும் மிக்ஸியின் அடிப்பகுதியில் பொருட்கள் ஒட்டிக் கொண்டு பாதி வீணாகி விடும் . அதைச் சுத்தம் செய்து பயன்படுத்துவது ஒரு கூடுதல் வேலையானது . பின்னர் விசாரித்த போது அந்த சிறிய ஜாடி உலர் பொருட்களை அரைப்பதற்கானது என்று நிறுவனம் சார்பில் தெரிவிக்கப்பட்டது . மற்றபடி அந்த மிக்ஸி 7000 ரூபாய்க்கு மதிப்பு முதலீடு என்பதை இங்கு குறிப்பிட விரும்புகிறேன் . எங்கள் அன்றாடத் தேவைக்கு அது பொருந்தி வரவில்லை .

மிக்ஸியில் அரைத்தல் என்பது தின அளவில் செய்வதான ஒரு வேலையாகும் . இதனை இவ்வாறு பயன்படுத்த பயன்படுத்த தினமும் மன அழுத்தம் ஏறிக்கொண்டே இருந்தது .

வேறு மிக்ஸியை வாங்குவதற்கு பணத்தடை இல்லாவிட்டாலும் மனத்தடையாக இருந்தது . இந்த மிக்ஸியில் 7000 ரூபாய் முதலீடு செய்து விட்டோம் . மிக்ஸிக்காக மீண்டும் எப்படி முதலீடு செய்வது ?

கொஞ்ச நாட்கள் இப்படியே ஓடிக் கொண்டிருந்தது .

மிக்ஸிக்காக செலவழிக்கப்பட்ட இந்த 7000 ரூபாய் மூழ்கிய செலவு என்று அழைக்கப்படுகிறது . இந்த மூழ்கிய செலவு திரும்பி வராது .

இப்போது இரண்டு வாய்ப்புகள் இருக்கின்றன . ஒன்று , இந்த மிக்ஸியுடன் சேர்ந்து நாமும் தினமும் அரைபட வேண்டும் . அல்லது இந்த மூழ்கு சாய்வைப் புறக்கணித்து நமது தேவைக்குப் பொருத்தமான மிக்ஸி ஒன்றை வாங்க வேண்டும் .

புதிய மிக்ஸி ஒன்றை வாங்காமல் பழைய மிக்ஸியுடன் சேர்ந்து தினமும் அரைபடுவது மூழ்கு செலவு மாயை என்று அழைக்கப்படுகிறது .

பிடிக்காத ஒரு திரைப்படத்தைக் கடைசி வரை பார்ப்பது முதல் பிடிக்காத ஒரு மண வாழ்க்கையைக் கடைசி வரையில் வாழ்வது வரை மூழ்கு செலவு மாயையின் பாதிப்பு பல்வேறு விதங்களில் வெளிப்படும் .

பங்குச்சந்தைக்கு வருவோம் . தரமான பங்கு என்று பார்த்து வாங்கியது தரமற்றதாகி விட்டது . தற்காலிக மதிப்பிழப்பு என்றில்லாமல் நிரந்தரமாக அது தனது மதிப்பை இழந்து விட்டது . ஒரு கவிஞரின் வார்த்தையில் சொல்வதானால் மொட்டு வைக்கும் என்று நட்டு வைத்த ரோஜா பட்டுவிட்டது . எனில் அதனிலிருந்து விட்டு விடுதலையாகி விடுதல் தான் சரியான ஒரு முடிவாக இருக்க முடியும் . மாறாக average down என்ற வாக்கில் அத்தகைய பங்குகளைத் தொடர்ந்து வாங்குவது அல்லது காலத்தின் கோலத்தில் ரூபாய் பங்காக உருமாற்றம் பெற்ற அதனைத் தொடர்ந்து வைத்திருப்பது மூழ்கு செலவு மாயையின் பாற்பட்டது . இந்த மாதிரி பங்குகளை விற்று அதனை வேறு மதிப்பு வாய்ப்புகளில் முதலீடு செய்தால் இழந்த பணத்தை மீண்டும் பெற ஏதுவாகும் .

மிக்ஸியின் கதை என்னவாயிற்று என்றும் பார்த்து விடுவோம் . மனைவி இப்போது 3000 ரூபாய்க்கு புதிய மிக்ஸி ஒன்றை வாங்கி விட்டார் . அதன் சிறிய ஜாடி அவர் விரும்பிய வகையில் இருக்கிறது . மிக்ஸியின் கணக்கில் ரூபாய் 3000 ஐ கூட்டி 10000 என்பதாக எழுதி விட்டோம் .

சில சமயங்களில் இழப்பது தான் பெரிய ஆதாயமாய் இருக்கும் .

Comments

Post a Comment

Popular posts from this blog

பங்காதாயம் - பாடப்படாத ஒரு பாடல்

பங்காதாயம் - பாடப்படாத ஒரு பாடல் பாட்டியும் பேத்தியும் உரையாடிக் கொண்டிருக்கிறார்கள். பேத்தி, கடந்த வருடப் பங்குச்சந்தை அவளை நட்டாற்றில் விட்டதாகப் புலம்புகிறாள். பாட்டி, கடந்த வருடப் பங்குச்சந்தை மிகச் சிறப்பாக இருந்ததாகவும், பங்காதாயம், அதற்கு முந்தைய வருடத்தை விடக் கூடுதலாகக் கிடைத்ததாகவும் கூறுகிறாள். யார் சொல்வது சரி? அவரவர் கோணத்தில் இருவர் சொல்வதும் சரி தான். ஆனால், பங்குச்சந்தையைச் சரியான கோணத்தில் பார்ப்பது மிகவும் முக்கியம். அந்த வகையில் பாட்டியின் கருத்து தான் சரி.  பங்கு முதலீட்டில் இரண்டு விதங்களில் வருமானம் கிடைக்கிறது. ஒன்று, முதலீட்டுப்பெருக்கம் (capital appreciation)  இரண்டு, பங்காதாயம் (dividend) இதில் முதலீட்டுப் பெருக்கத்தைத் தான் நம்மவர்கள் முக்கியத்துவம் வாய்ந்ததாகக் கருதுகின்றனர். இன்ன விலைக்கு வாங்கினேன், இன்ன விலைக்கு விற்றேன், இவ்வளவு இலாபம் என்பதாகத் தான் அவர்களின் எண்ணக்கணக்கு இருக்கும். பங்காதாயத்தைப் பற்றிய பேச்சே இருக்காது. மேலும், பங்காதாயம் பங்குகளின் முக மதிப்பிற்கு வழங்கப்படுவதால் மிகவும் குறைவாக இருக்கும். ஒரு சின்ன உதாரணம். HDFC நிறுவனப் பங...
Read more

பங்குச்சந்தை பதில்கள் - 14

ப ங்குச்சந்தை பதில்கள் - 14 கேள்வி : கும்பமேளா காலங்களில் சந்தை சரிவது குறித்து ? பதில் : கலைந்து செல்லும் மேகங்களில் உருவங்களைப் பார்க்கும் விளையாட்டு . கேள்வி : Efficient Market Hypothesis என்பதை ஒரே வரியில் விளக்க முடியுமா ? பதில் : பங்கின் விலை = பங்கின் மதிப்பு  கேள்வி : சந்தை அடிக்கடி சரிவுடன் நிறைவடைவதைக் கவனித்தீரா ? பதில் : சரிவே நிறைவு ! கேள்வி : புதிய Demat கணக்குகளின் எண்ணிக்கை வரலாற்று உச்சத்தை எட்டியிருப்பது குறித்து ? பதில் : காளைச்சந்தை , Demat கணக்குகளின் எண்ணிக்கையை வரலாற்று உச்சத்திற்குக் கொண்டு சென்றிருக்கிறது . கரடிச்சந்தையில் என்ன ஆகிறது என்று பார்க்க வேண்டும் . கேள்வி : பன்மடங்காளராகட்டும் என்று பங்கு ஒன்றை வைத்திருந்தேன் . இரு மடங்காளராகிய பங்கு இப்போது பாதி குறைந்து ஒரு மடங்காளர் ஆகி விட்டது . சற்று 'ஙே' என்பதாக உணர்கிறேன் ? பதில் : நீண்ட காலத்தில் 'ஓஹோ' என்றுணர இந்தக் குறுகிய கால 'ஙே'க்களைச் சகித்துக் கொண்டு தான் ஆகவேண்டும் . கேள்வி : அடுத்த ஓராண்டில் 200 சதவீத வருமானத்தைத் தரும் பங்கு எதுவென்று சொல்ல முடியுமா ? பதில் : கேட்பது த...
Read more

Daniel Crosby - மணி மொழிகள்

Daniel Crosby- மணி மொழிகள் 1. Worry less about the economy and more about your economy . நாட்டின் பொருளாதாரத்தைப் பற்றிக் கவலைப்படுவதை விடுத்து வீட்டின் பொருளாதாரத்தைப் பற்றிக் கவலை கொள்ளுங்கள் . 2. Humans are wired to act ; markets tend to reward inaction . மாந்தர்கள் செயலால் கட்டப் பட்டிருக்கிறார்கள் ; சந்தை செயலற்ற தன்மைக்கு ஊக்கமளிக்கிறது . 3. Bear markets , recession and especially uncertainty are the psychological price I pay for strong returns . கரடிச்சந்தை , பொருளாதார மந்தநிலை மற்றும் மிக முக்கியமாக , நிச்சயமின்மை ஆகியவை , சந்தை எனக்குக் கொடுக்கும் நிலையான வருமானத்திற்கு நான் தரும் மனோரீதியான விலையாகும் . 4. I am the biggest risk to my long-term wealth creation . எனது நீண்ட கால செல்வ உருவாக்கத்திற்கான ஆகப்பெரிய இடர்ப்பாடு நான் மட்டுமே . 5. I win by not losing . நான் தோற்காமல் இருப்பதன் மூலமாக வெற்றியடைகிறேன் . 6. The best thing to do is often , but not always , nothing . செயலற்ற தன்மையே , எப்போதும் என்று சொல்ல முடியாவிட்டாலும் , பெரும்பாலான சமயங்களில் சிறந்த ஒரு செயலாக இருக்கும...
Read more