பங்குச்சந்தை பதில்கள் - 1

பங்குச்சந்தை பதில்கள் - 1


கேள்வி : பங்குச்சந்தை முதலீடு அபாயம் தானே ? 

பதில் : பங்குச்சந்தையில் முதலீடு செய்யாமல் இருப்பது அதை விட அபாயம் . பணவீக்கத்தை வெல்ல வேண்டுமென்றால் பங்குச்சந்தையில் முதலீடு செய்தே ஆக வேண்டும் .


கேள்வி : அதிக வருமானம் தரக்கூடிய காப்பீட்டுத் திட்டம் ஒன்றைப் பரிந்துரையுங்கள் ?

பதில் : கேள்வியே தவறு .


கேள்வி : வாய்ப்பு விலையைச் (opportunity cost) சுருக்கமாக விளக்க முடியுமா ?

பதில் : நீங்கள் நிறுவனப் பங்குகளில் நேரடியாக முதலீடு செய்கிறீர்கள் . உங்களுக்கான CAGR 15 சதவீதம் . அதே சமயம் மும்பை பங்குச்சந்தை குறியீடான சென்செக்ஸ் 18 சதவீத CAGR கொடுத்திருக்கிறது . எனில் , உங்களுக்கான வாய்ப்பு விலை 3 சதவீதம் .


கேள்வி : பங்குச்சந்தையில் நீண்ட காலம் என்பது எவ்வளவு காலம் ?

பதில் : ஐந்து ஆண்டு பத்து ஆண்டு என்று ஆளாளுக்கு ஒரு கணக்கைச் சொல்வார்கள் . நீண்ட காலம் என்பது நம் காலத்தையும் கடந்தது .


கேள்வி : Multibaggers பங்குகள் என்றால் என்ன ? அவைகளை எவ்விதம் இனங்காண்பது ?

பதில் : மதிப்பு முதலீடாக வாங்கிய தரமான நிறுவனப்பங்குகள் நீண்ட கால அளவில் பன்மடங்காளராக மலர்கின்றன . இவ்விதம் மலர்விக்க நீங்கள் அந்தப் பங்குகளை வைத்திருத்தல் முக்கியத்துவம் பெறுகிறது . மற்றபடி  பன்மடங்காளர் பங்குகள் என்று தனிப்பட்டு எதுவும் கிடையாது . ஒரு பங்கை பன்மடங்காளராக உருவாக்குவதும் உருவாக்காததும் உங்கள் கையில் மட்டுமே உள்ளது .


கேள்வி : பங்குச்சந்தையில் வெற்றி பெற என்ன செய்ய வேண்டும் ?

பதில் : நிறையப் படிக்க வேண்டும் ... நிறையச் சிந்திக்க வேண்டும் ...


கேள்வி : பங்குச்சந்தையில் தின அடிப்படையில் இலாபம் பார்க்கலாமா ? 

பதில் : ஓ ... தாராளமாக ... ஒரேயொரு நிபந்தனை மட்டும் . நீங்கள் முப்பது ஆண்டுகளுக்கு முன்பு முதலீடு செய்திருக்க வேண்டும் .


கேள்வி : நாளைய பங்குச் சந்தை என்னவாக இருக்கும் ?

பதில் : அது ஏறி இறங்கும் . இந்த பதிலை அமெரிக்க நிதியாளர் J P Morgan பல்லாண்டுகளுக்கு முன்பே சொல்லியிருக்கிறார் .


கேள்வி : பங்குச்சந்தையில் வெற்றி பெற எது தேவை ? பணமா அல்லது குணமா ?

பதில் : தாமதமான மனநிறைவு , பொறுமை , நீடிப்புத்திறன் , வெற்றி தோல்விகளை சமமாகப் பாவிக்கும் தன்மை , நீண்ட கால நோக்கு முதலான கல்யாண குணங்கள் தான் தேவை . பணம் ? அது கொஞ்சமே கொஞ்சம் போதும் .


கேள்வி : உலகப் பணக்காரர்களின் சொத்துக்களை உலக மக்கள் அனைவருக்கும் சமமாகப் பிரித்துக் கொடுத்து விட்டால் உலகம் சுபிட்சம் பெற்று விடும் தானே ?

பதில் : ஒரேயொரு சின்னப் பிரச்னை இருக்கிறது . வாரன் பஃபெட் அவருடைய பகுதிப் பணத்தைப் பங்குகளில் முதலீடு செய்து மீண்டும் உலகப் பணக்காரர்கள் பட்டியலில் இடம் பெற்று விடுவார் . மற்றவர்கள் தத்தம் பழைய நிலைமைக்குத் திரும்பி விடுவர் .

Comments

Post a Comment

Popular posts from this blog

பங்காதாயம் - பாடப்படாத ஒரு பாடல்

பங்காதாயம் - பாடப்படாத ஒரு பாடல் பாட்டியும் பேத்தியும் உரையாடிக் கொண்டிருக்கிறார்கள். பேத்தி, கடந்த வருடப் பங்குச்சந்தை அவளை நட்டாற்றில் விட்டதாகப் புலம்புகிறாள். பாட்டி, கடந்த வருடப் பங்குச்சந்தை மிகச் சிறப்பாக இருந்ததாகவும், பங்காதாயம், அதற்கு முந்தைய வருடத்தை விடக் கூடுதலாகக் கிடைத்ததாகவும் கூறுகிறாள். யார் சொல்வது சரி? அவரவர் கோணத்தில் இருவர் சொல்வதும் சரி தான். ஆனால், பங்குச்சந்தையைச் சரியான கோணத்தில் பார்ப்பது மிகவும் முக்கியம். அந்த வகையில் பாட்டியின் கருத்து தான் சரி.  பங்கு முதலீட்டில் இரண்டு விதங்களில் வருமானம் கிடைக்கிறது. ஒன்று, முதலீட்டுப்பெருக்கம் (capital appreciation)  இரண்டு, பங்காதாயம் (dividend) இதில் முதலீட்டுப் பெருக்கத்தைத் தான் நம்மவர்கள் முக்கியத்துவம் வாய்ந்ததாகக் கருதுகின்றனர். இன்ன விலைக்கு வாங்கினேன், இன்ன விலைக்கு விற்றேன், இவ்வளவு இலாபம் என்பதாகத் தான் அவர்களின் எண்ணக்கணக்கு இருக்கும். பங்காதாயத்தைப் பற்றிய பேச்சே இருக்காது. மேலும், பங்காதாயம் பங்குகளின் முக மதிப்பிற்கு வழங்கப்படுவதால் மிகவும் குறைவாக இருக்கும். ஒரு சின்ன உதாரணம். HDFC நிறுவனப் பங...
Read more

பங்குச்சந்தை பதில்கள் - 14

ப ங்குச்சந்தை பதில்கள் - 14 கேள்வி : கும்பமேளா காலங்களில் சந்தை சரிவது குறித்து ? பதில் : கலைந்து செல்லும் மேகங்களில் உருவங்களைப் பார்க்கும் விளையாட்டு . கேள்வி : Efficient Market Hypothesis என்பதை ஒரே வரியில் விளக்க முடியுமா ? பதில் : பங்கின் விலை = பங்கின் மதிப்பு  கேள்வி : சந்தை அடிக்கடி சரிவுடன் நிறைவடைவதைக் கவனித்தீரா ? பதில் : சரிவே நிறைவு ! கேள்வி : புதிய Demat கணக்குகளின் எண்ணிக்கை வரலாற்று உச்சத்தை எட்டியிருப்பது குறித்து ? பதில் : காளைச்சந்தை , Demat கணக்குகளின் எண்ணிக்கையை வரலாற்று உச்சத்திற்குக் கொண்டு சென்றிருக்கிறது . கரடிச்சந்தையில் என்ன ஆகிறது என்று பார்க்க வேண்டும் . கேள்வி : பன்மடங்காளராகட்டும் என்று பங்கு ஒன்றை வைத்திருந்தேன் . இரு மடங்காளராகிய பங்கு இப்போது பாதி குறைந்து ஒரு மடங்காளர் ஆகி விட்டது . சற்று 'ஙே' என்பதாக உணர்கிறேன் ? பதில் : நீண்ட காலத்தில் 'ஓஹோ' என்றுணர இந்தக் குறுகிய கால 'ஙே'க்களைச் சகித்துக் கொண்டு தான் ஆகவேண்டும் . கேள்வி : அடுத்த ஓராண்டில் 200 சதவீத வருமானத்தைத் தரும் பங்கு எதுவென்று சொல்ல முடியுமா ? பதில் : கேட்பது த...
Read more

Daniel Crosby - மணி மொழிகள்

Daniel Crosby- மணி மொழிகள் 1. Worry less about the economy and more about your economy . நாட்டின் பொருளாதாரத்தைப் பற்றிக் கவலைப்படுவதை விடுத்து வீட்டின் பொருளாதாரத்தைப் பற்றிக் கவலை கொள்ளுங்கள் . 2. Humans are wired to act ; markets tend to reward inaction . மாந்தர்கள் செயலால் கட்டப் பட்டிருக்கிறார்கள் ; சந்தை செயலற்ற தன்மைக்கு ஊக்கமளிக்கிறது . 3. Bear markets , recession and especially uncertainty are the psychological price I pay for strong returns . கரடிச்சந்தை , பொருளாதார மந்தநிலை மற்றும் மிக முக்கியமாக , நிச்சயமின்மை ஆகியவை , சந்தை எனக்குக் கொடுக்கும் நிலையான வருமானத்திற்கு நான் தரும் மனோரீதியான விலையாகும் . 4. I am the biggest risk to my long-term wealth creation . எனது நீண்ட கால செல்வ உருவாக்கத்திற்கான ஆகப்பெரிய இடர்ப்பாடு நான் மட்டுமே . 5. I win by not losing . நான் தோற்காமல் இருப்பதன் மூலமாக வெற்றியடைகிறேன் . 6. The best thing to do is often , but not always , nothing . செயலற்ற தன்மையே , எப்போதும் என்று சொல்ல முடியாவிட்டாலும் , பெரும்பாலான சமயங்களில் சிறந்த ஒரு செயலாக இருக்கும...
Read more